Tilbodet er interkommunalt og er ein del av Øygarden og Askøy kommune si barnevernsteneste. Tenesta har kontor både på Sartor og Kleppestø Storsenter.

Barnevernvakta har ansvar for akuttberedskapen på barnevern-området for Askøy og Øygarden kommunar og har ope alle dagar frå klokka 08.00 - 20.00.

Når bør eg ta kontakt?

Ta kontakt dersom du sjølv vert utsett for eller kjenner til at barn eller unge vert utsett for;

• vold eller vitne til vold
• seksuelle overgrep
• foreldre som rusar seg
• omsorgssvikt
• kjønnslemlesting
• tvangsgifte

Kva skjer når eg tek kontakt?

Når du tek kontakt vert følgjande vurdert:

• om situasjonen kan løysast ved hjelp av råd og rettleiing
• om situasjonen er alvorleg og det bør sendast melding til kommunen barnet bur i
• om situasjonen er akutt og det straks bør settast i verk tiltak 

Vidare vil barnevernvakta vurdera om det er best å reisa heim til familien det gjeld eller at oppfølging best kan skje hos barnevernvakta.