Elevrådet hadde bakt muffins med rosa glasur og mange hadde kledd seg i rosa antrekk for anledninga. I storefri steig stemninga endå meir då det var “Grip mikrofonen” i steinhallen. Det var fin oppladning til dei ulike trinna skulle springe rundar på skuleplassen. Vi var maks heldige med veret, så det var ikkje så vanskeleg å bevare humøret.  Elevane og fleire vaksne gjekk, jogga eller sprang rundar i 24 minutt, så det var mange stolte unge strilar som gjorde ein innsats. Ein kan godt seie at vi gjekk heim med ei særs god kjensle den dagen, og det blir veldig spennande å sjå kor mykje vi har greidd å samle inn.