8. trinn byrjar denne og neste veke med MOT på timeplanen. Dette er den første økta i MOT-programmet. 

Først ut var 8A som blei møtt med ei hyggeleg god morgon-helsing av MOT-coachane Karina og Daniel. Daniel følgde opp med ein tryllekunst som imponerte alle. Deretter var det ulike øvingar og leikar og ein har fokus på det å ha MOT. Å ha MOT til å seia nei, er å seia ja til noko anna som er viktigare for ein. Det å inkludera alle har fokus, og det å ha MOT til å bry seg er viktig. Det å ha MOT til å leva, å ta utfordringar og pusha seg sjølv litt er også ein del av det som det handla om denne dagen.

Elevane var fine med kvarandre, deltok og bydde på seg sjølv. Det var ei veldig kjekk og lærerik økt.