Onsdag og torsdag i veke 2 blei ALF-klassane på 9. og 10. trinn invitert på besøk til Sotra vgs, avdeling Sund. Her fekk dei vera i verkstaden og byggja vedskjul (9. trinn) og bodar (10. trinn) under oppsyn av eigne lærarar og lærarane på bygg. 

Det blei to kjekke dagar der elevane våre imponerte både når det gjeld arbeidsmoral og dugleik. Det vanka mykje skryt og godord frå lærarane, og elevane kom tilbake med mykje kunnskap og nokre blei endå meir sikre på at dette er vegen å gå i framtida med tanke på yrke.