Veret var på vår side for det blei sol og varmt ver - ein perfekt første dag. MOT-coachane og dei unge MOTivatorane samt fleire andre vaksne var ute og tok imot elevane. Elevane i niande og tiande klasse gjekk rett til klasseromma sine når det ringte, medan dei nye åttandeklassingane møtte i gymsalen der rektor ønskte dei velkomne og hadde opprop før dei gjekk med lærarane sine til klasseromma.

Det nye uteområdet vårt skulle blir overlevert midt på dagen og det var mange elevar som gjekk og kikka på den flotte fotballbanen, basketballbanen, treningsapparata og fuglereiedissene og såg fram til dei kunne ta det i bruk. Allereie i timen før siste friminutt var det elevar som brukte området og i friminuttet var det mange som tok seg ein runde på plassen og prøvde dei ulike aktivitetsområda.

Det blir offisiell opning av uteområdet måndag 18. august, men det er veldig kjekt at elevane fekk ta det i bruk allereie første skuledag. Me gler oss til resten av skuleåret og er veldig glade for den flotte jobben Wikholm har gjort for oss.