Når ein går ein tur ned i sløydsalen på skulen når ALF bygg på niande trinn har timar, finn ein ein flott gjeng med ivrige elevar som er i full gong med å laga desse kassane. Dei bruker ein del av kappet etter benkane og borda som tiande trinn har laga. Det minste kappet skal dei laga fuglehus av, så her skal ikkje noko gå til spille. 

Dei har jobba skikkeleg på, og me fekk plassert ut dei første blomekassane rett før me skulle ha juleball. Det blei eit nydeleg syn som møtte både elevane og foreldrevaktene på juleballskvelden.