Føresette med elevar som har rett til frikort må søkja om dette, og vil for Skålevik skule gjelda fylgjande elevar:

• Elevar i 1.-7.klasse som bur vestom Langøy bru (Kommunalt vedtak, juni 2015, som står fram til det vert endringar i høve til fartsgrenser og/eller andre tiltak som kan trygge skulevegen.
• Elevar i 1.klasse som bur meir enn 2 km frå skulen.
• Elevar i 2.-7.klasse som bur meir enn 4 km frå skulen (Opplæringslova §7.1)
• For elevar busett langs strekninga Skålevik gravplass langs Vestsidevegen (FV 210), forbi Kuanesvegen til Skålevik skule, samt elevar busett nord for skulen som må gå langs dei delar av Vestsidevegen som er utan fortau og gang/sykkelsti til Skålevik skule, gjeld: Elevar på 1. – 4. klasse får fri skyss til og frå undervisningstida – heile året Elevar på 5. – 7. klasse får fri skyss til undervisningstida – heile året og tur/ retur i perioden etter haustferien fram til vinterferien, (vinterskyss) – kommunalt vedtak august 2019.

• Elevar som etter søknad får gå ved Skålevik skule, men som er busette i ein annan skulekrins, vert vurdert einskildvis etter søknad (evt. kommunalt vedtak)
• Funksjonshemma, mellombels skadde eller sjuke med behov for skyss, har rett til fri skuleskyss utan omsyn til avstand mellom heim og skule (Opplæringslova § 7.3)
• Ved delt dagleg omsorg har ein rett til skuleskyss frå båe foreldra til/frå skulen etter vanlege reglar (ovanfor). Delt dagleg omsorg ligg føre når elevar bur like mykje hos kvar av foreldra. Ein kan krevja dokumentasjon. Dersom ein av foreldra bur slik til at ein ikkje kan nytta offentleg transportmiddel, kan etter søknad få fri skuleskyss med drosje.
• Born som bur i fosterheim har rett til skuleskyss etter vanlege reglar (ovanfor). Fosterheimen vert rekna som eleven sin heim.

1. Meld frå til rektor eller sekretær.
2. Sekretær registrerer og deler ut nytt busskort (gebyr kr 50,-).
3. Foreldre/føresette må sjølve betala på bussen inntil nytt kort ligg føre.
4. VIKTIG! Dersom det gamle busskortet skulle dukka opp, må dette leverast til skulen.