Rektor Linda Selheim ønskte dei 200 elevane velkomne til Spildepollen.
- Her er 18 førsteklassingar, og i dag har vi fått besøk av sjølvaste ordføraren, sa rektoren før presentasjonen av dei tilsette på dei sju trinna, «lovnadene våre» og at alle song «Me er Spildepollen skule». Songen er produsert av Rune Solberg og Lena Glesnes.
Ordførar Tom Georg Indrevik sa at alle skulane i kommunen fekk nye elevar denne dagen.
- Det er flott at de har lært å seia hei og god morgon når de møter kvarandre. Tenk kva forskjell dette gjer når de kvar dag møtest, sa ordføraren.
Kontaktlærar for 1. klasse, Sølvi Toft Bakke, tok med seg dei 18 nye elevar, foreldra og kollegaer inn på klasserommet.
- Skal vi ha uteskule? spurde ein av elevane.
- I dag skal vi vera litt ute, men i morgon skal vi vera ganske mykje ute, var svaret frå kontaktlæraren.
Ho lærte dein nye elevane kva det betyr når handa vert lyfta rett opp.
- Den eine fingeren betyr «lytte øre», den andre betyr stille munn, den tredje at du skal ha auga på vaksne, den fjerde at du skal ha rumpa på stolen og den femte at føtene skal vera ned på golvet, sa kontaktlæraren som understreka at dette var reglar for alle på skulen.
Her kan du sjå bilete frå fleire av dei andre skulane: