Ein viktig føresetnad er at ein har god tru på eigen idé. Spørsmål å stille seg sjølv:

1. Løyser idéen eit problem eller dekker den eit behov?
2. Har kundane lyst til å kjøpe idéen (varen/tenesta)?
3. Kan idéen bli til ei verksemd?
4. Kan idéen gjennomførast?

Ein kan søkje i Patentstyret sin teneste etter varemerke, design eller patent. Her finn ein ut om andre har søkt eller fått innvilga rett i Norge til noko som liknar på din idé.

Patentstyret gir rettigheter til patent, varemerke og design i Norge.

Forretningsidé

Forretningsidéen skal kort og konkret svare på kvifor kundane skal velje ditt produkt (vare eller teneste) framfor andre produkt (varer eller tenester.)

Beskriv:

• Kva du skal selje?
• Kva slags behov du skal dekka?
• Kven du skal selje til?

Formuler idéen so enkelt og tydeleg som du klarar.

Lag ein forretningsplan

Forretningsplanen bør minimum innehalde:

• Forside og innhaldsliste
• Samandrag
• Forretningsidé
• Mål og visjon
• Organisering av verksemda
• Marknad og marknadsplan
• Økonomi m/ kapitalbehov, budsjett og nøkkeltall
• Framdriftsplan
• Verksemda si utvikling og utsikter til lønnsemd på lang sikt

Du finn god mal for forretningsplan på nettsida til Innovasjon Norge.

Skal du ta patent?

• Ta kontakt med Patentstyret og få rettleiing.
  Patentstyret gir rett til patent, varemerke og design i Noreg
• Besøk nettsida Hva er immaterielle verdier og rettigheter? - Patentstyret eller Hvorfor og hvordan unngå piratkopier og ulovlig strømming for informasjon.
• Benytt fortrulegheitserklæring (IPRhjelp.no)

Formuler felles visjon og sett mål for verksemda.

Tenk over kva som er formålet med verksemda og kva du skal gje kundane dine.

Visjonen er det ein strekkjer seg etter, medan målet er kva du vil oppnå med verksemda. Sett gjerne hårete mål! Gjennomfør jamlege møte for å gå gjennom mål og diskuter om de er på rett spor.

Når du har bestemt deg for namn på føretaket, er det viktig at du held korta tett til brystet til du har registrert det domenenamnet du vil ha. Då unngår du at andre tek det. Dersom du ikkje har eit organisasjonsnummer, kan du registrera domenenamnet på deg sjølv som privatperson og overføraa det til verksemda når du har registrert det.

• Sjekke om namnet er ledig: www.navnesok.no
• Informasjon om korleis du registrerer domenenamn finn du i domeneguiden.
• Her finn du også meir informasjon om val av domenenamn og kva du kan bruka eit domenenamn til.
• Registrere domenenamn  Norid – Driver registeret for norske domenenavn
• Ønskjer du å verna domenenamnet ditt, kan du vurdera å registrera det som eit varemerke. https://www.patentstyret.no/tjenester/varemerke/soknadsprosess-varemerke/
• Registrer verksemda i Brønnøysundregisteret Hva ønsker du å registrere eller endre? - Brønnøysundregistrene

Det er viktig å gjera ein innsats for å etablera rutinar og ansvarsfordeling internt. Fordel rollene i verksemda, styremedlemer og styreleiar.

• Legg ein strategi
• Pass på at verksemda utviklar seg i ønskt retning og ta slutning deretter

Finn formålet med organisasjonen

• Lag forslag til vedtekter
• Finn personar som vil sitja i styret og som vil vera styremedlemer
• Lag ein plan over kva organisasjonen skal gjera den første perioden (aktivitetsplan)
• Finn ein stad du kan arrangera stiftingsmøtet og set ein dato
• Sprei informasjon om stiftingsmøtet

Førebu deg!

Korleis finansiere oppstart?

Som nemnt øvst på sida, anbefaler vi nettsida til altinn.no kor du finn informasjon om å starta og driva bedrift.

Innovasjon Norge har ein ny portal der ein kan registrera seg og få vidare hjelp. Portalen heiter: En vei inn Her legg du inn informasjon om kva du ønskjer å starta, og vil få rådgjeving vidare.

Du bør spesifisere kor mykje av finansieringa som vil vera eigenkapital, og kor mykje må du låna.

Skal du i banken, ta med deg forretningsplanen din og presenter han godt. Ta gjerne med deg styreleiar om du har det på plass. Jo fleire som kan selja ideen, jo betre. 

Dagpengar under etablering

Dersom du skal søkja dagpengar hos NAV under etableringa, må du ha ei næringsfagleg vurdering. Dette tilbyr kommunen hjå Innbyggartorget og biblioteket, sjå lenkje under. Sjå NAV sine sider for informasjon om søknad om dagpengar: NAV

Innbyggjartorget Øygarden kommune

Er du gründer i Øygarden kommune og har eit ønske om å ta del i eit gründermiljø, danna nye nettverk og ha kontor i ei avdeling med andre i liknande situasjon?

Verksemdene i Gründerparken har, eller går gjennom etableringsfasen av eiga verksemd. Gründerparken Vest er ein møteplass for gründerar som vil gje kvarandre tips og innspel i ein viktig fase.

Gründerparken Vest | Vest Næringsråd