Gitaren treng ingen nærmare introduksjon. Gitar er eit strengeinstrument som er å finna i mange samanhengar, både i visesang, jazz, klassisk musikk, i rock/pop og storband. Gitar er både eit solo- og eit ensembleinstrument.
Du kan spele gitar i kulturskulen frå det året du er 8 år.
Gitarundervisning
- Visegitar er alminneleg gitarspel på akustisk gitar.
- Klassisk gitar er fingerspel med tanke på klassiske stykke.
- El-gitar er rett og slett for dei som vil spele elektrisk gitar (gitar kobla til straum. Då kan ein i tillegg kobla til ulike «lydboksar» med effektar, fuzz, overdrive, klang osb …)
Som gitarelev kan du lære desse teknikkane/stilane, i tillegg til å lære notar, tabulatur og besifringsspel. Du vil også lære improvisasjon.
Du får høve til å spele konsert, noko som er ein viktig del av opplæringa i kulturskulen.
Utstyr
Som elev treng du din eigen gitar. Kva bøker du skal kjøpe, avtaler du med din lærar.
Undervisningsstader
Vi har gitarundervisning på:
- Liljevatnet
- Fjell ungdomsskule
- Aktivitetssenteret i Skogsvåg
- Sund Ungdomsskule
- Tranevågen ungdomsskule
Søk om plass
Sist endra 13.03.2024 09.07