Kort fortalt
- Du betalar frå den månaden (oppstartsdato) barnet ditt startar i barnehagen.
- Kostnad for mat kjem i tillegg.
- Du betalar for elleve månader i året. For kommunale barnehagar er det betalingsfri i juli.
- Familiar med fleire barn i barnehage i same kommune betalar mindre.
- Familiar med låg inntekt kan ha krav på redusert foreldrebetaling.
- For søknader før 1. august, gjeld kommunen sitt vedtak frå 1. august til 31. juli neste år. Dersom det vert søkt etter 1. august er vedtaket gjeldande frå første heile månad etter søknadstidspunkt til 31. juli neste år.
Pris for barnehageplass
Makspris for ein barnehageplass vert bestemt av Stortinget. Frå 1. august 2025 er maksprisen for foreldrebetaling kr. 1 200,- per månad for heiltidsplass. Matpengar kjem i tillegg til det du betaler for barnehageplassen. Maksprisen gjeld for alle barnehagar, uavhengig av om dei er private eller kommunale.
Søskenmoderasjon
Foreldre med meir enn eitt barn i barnehage i same kommune skal ha søskenmoderasjon. Denne vert berekna slik:
- For første barn må du betala ordinær pris.
- For barn nummer to er det 30% søskenmoderasjon.
- For barn nummer tre eller fleire er det 100% søskenmoderasjon
Det er ikkje naudsynt å søkja om ordninga, denne vert rekna ut automatisk. Søsken må bu i same hushald. Redusert pris for søsken gjeld ikkje mellom barnehage og SFO.
Redusert foreldrebetaling
Ordninga gjeld for familiar eller hushald som har låg inntekt. Eit hushald skal ikkje betala meir enn 6% av brutto årsinntekt for ein barnehageplass.
Du må sjølv søkja om redusert foreldrebetaling i Vigilo. Søknader vert behandla ut frå hushaldet si samla inntekt.
Her finn du meir info og søknad om redusert foreldrebetaling og gratis kjernetid.
Faktura
Spørsmål vedkomande faktura vert retta direkte til styrar i barnehagen.
Byte fakturamottakar
Dersom det er ønskje om å byta fakturamottakar, skal det sendast melding direkte til styrar i barnehagen. Ny fakturamottakar må også stadfesta endringa.
Feil i faktura
Dersom det er feil i faktura, eller faktura ikkje er motteken, må du ta kontakt med styrar i barnehagen.
Ikkje betalt faktura
- Kommunale barnehagar: Manglande betaling for barnehageplass vil medføra at kravet vert sendt til inkasso. Kommunen kan varsla om oppseiing av plassen ved vesentleg mishald.
- Private barnehagar: I private barnehagar gjeld den einskilde barnehage sine vedtekter og reglar vedkomande betaling.
Lovar og reglar
Forskrift om foreldrebetaling i barnehagar.