Han har i musikken sin skildra godt kystkulturen her på Sotra. Vi har høyrt mykje på musikken hans og hatt stor glede av denne. Prosjektet starta med at vi var så heldig å få ei gåve frå Fjell kommune. Dette var ei songbok med tekstar frå Johannes Kleppevik med CD til. Barnehagen er og skal være ein kulturformidlar og kva er vel meir naturlig enn å knytte det til lokal kultur frå gamle dagar og ikkje minst lokal musikk.

Her speler museumsverten Stig gitar for oss

I forbindelse med prosjektet var vi også ein tur til Bergen sjøfartsmuseum kor vi var med på eit undervisningsopplegg tilpassa barnehagar. Her fekk vi mange spanande inntrykk. Allsong, omvising, forteljing om Kaptein Sabeltann og skattejakt var noko av det vi var med på. Tusen takk til Bergen Sjøfartsmuseum for eit flott opplegg! Dette har vore gode opplevingar både for store og små! Prosjektet vart avslutta med karneval i barnehagen no i mars. Tema var sjølvsagt sjørøvar og piratar. Vi trur barna i Hamramyra barnehage har hatt gode opplevingar frå dette prosjektet. Dei har fått vite litt om korleis vi levde og livnærte oss på Sotra i «gamledagar» og fått kjennskap til musikar og trubadur Johannes Kleppevik. Vi ønskjer å takke Fjell kommune for den flotte gåva som inspirerte oss til dette prosjektet.

Avd. Lyngtusleren, Hamramyra barnehage