I løpet av prosjektet har vi lært om kroppens anatomi, vi har hatt ulike sanseopplevingar knytt til både syn, hørsel, smak, lukt og taktilsansen, og vi har snakka om personlege grenser i forhold til eigen og andre sin kropp. I samband med barnehagedagen som var 11. mars, og som ei avslutning på prosjektet, har vi laga eit sanserom med tema kroppen og sansane våre. 

Rommet er utforma med fokus på moglegheit for undring og utforsking, og består av forskjellige soner som skal stimulere dei ulike sansane våre. 

I følgje rammeplan for barnehagens innhald og oppgåver skal barnehagen mellom anna: «Bidra til at barna blir kjende med kroppen sin og utviklar medvit om eigne og andre sine grenser. Gjennom arbeid med fagområdet skal barna få moglegheit til å sanse, oppleve, leike, lære og skape med kroppen som utgangspunkt.» 

På barnehagedagen inviterte vi foreldre og barn til å utforske rommet saman.

Fotogalleri