Om NUSSA
NUSSA er eit utviklings- og leikebasert barnegruppeprogram for barn frå 3-12 år, basert på Nevroaffektiv utviklingspsykologi. Målet er å nytte nevroaffektiv utviklingspsykologi som metode til å forstå, møte og sette opp gode tiltak for å styrke barn si sosiale og emosjonelle utvikling, og gi god reguleringsstøtte.
Leik og strukturerte leikegrupper er sentrale i metodikken.
NUSSA har som mål å styrkje barnas emosjonelle, personlege og sosiale ressursar gjennom strukturert leik, slik at barna aukar sine relasjonelle ressursar, sjølvinnsikt og blir meir robuste mot psykiske stressfaktorar.
Øygarden kommune har utdanna over 40 NUSSA trenere, som har ei grundig opplæring i å organisere leikgrupper med innhald som skapar samhald, glede og samspelsdugleik.