Viktig å vita før du søkjer
Søk om barnehageplass
Det er same søknadsprosess for private og kommunale barnehagar. Du kan vela inntil 5 barnehagar i søknaden. Om du søkjer barnehageplass etter 1. mars, eller barnet fyller 1 år etter 30. november det året det vert søkt om plass frå, vert du sett på venteliste og får tildelt plass når barnehagen har ledig plass.
Søknadsskjemaet om barnehageplass er elektronisk. Du kan søkja om barnehageplass i Øygarden kommune uansett kor i landet du bur, men barn busett i Øygarden kommune vert prioritert.
Søkje, svare, endre eller sei opp barnehageplass
Kven har rett på barnehageplass?
Hovudopptaket, med søknadsfrist 1. mars, tildeler plass til barn med lovfesta rett.
Dette er barn som:
- Søkjer innan frist 1. mars
- Fyller 1 år innan utgongen av november 2023
- Er busett i Øygarden kommune når nytt barnehageår tek til i august.
Plass vert tildelt frå nytt barnehageår 2023, med oppstart i løpet av august. Barn som fyller 1 år i løpet av september, oktober eller november 2023, har etter søknad rett til å få tilbod om plass, og oppstart, i barnehagen frå den månaden dei fyller 1 år. Barnehagane tildeler plass etter opptakskriterier nedfelt i eigne vedtekter.
Viktig å vite
Hovudopptaket går føre seg til alle med rett på plass har fått svar på søknaden.
Om du søkjer barnehageplass innan søknadsfristen for hovudopptak, som er 1. mars, og elles oppfyller kriteria for rett på et tilbod om barnehageplass vil du få svar i perioden mars - mai. Tilbod vert sendt elektronisk til din digitale postkasse eller pr.post.
Det er ikkje mogleg å gjere endringar i søknad i perioden mellom 1. mars og 15. mai, grunna opptaket.
Søkjer du etter 1. mars, eller barnet fyller 1 år etter 30. november det året det vert søkt om plass, vert du sett på venteliste for fortløpande opptak og får tildelt plass når barnehagen har ein ledig plass.
Du takkar ja til tilbod om barnehageplass same stad som søknaden vart registrert.
- Ved tilbod om plass i annan barnehage enn du har valt kan du anten:
- Takke ja til plassen, men halde fram på venteliste til dei andre bhg du har søkt plass hos.
- Du kan takke nei til plassen, men halde fram på venteliste hos dei andre bhg du har søkt plass hos.
- Ved val av siste alternativ er du ikkje garantert plass frå august, då rett til tilbod om barnehageplass er innfridd.
Dersom du ikkje får tilbod frå nokon av barnehagane du har ført opp, vil du få tilbod frå annan barnehage i kommunen.
Dersom du ønskjer å bytte barnehage, søkjer du om barnehageplass på vanleg måte. Søkjer du om å bytte barnehage vil barnet ditt få plass i ny barnehage når det vert ledig plass og det er barnet ditt som står for tur på ventelista. Det vert ikkje gjort overføringar ved hovudopptaket, men i førekant av dette, og etter at hovudopptaket er avslutta.
Du seier opp barnehageplassen elektronisk. Nokre private barnehagar krev i tillegg at det vert sendt skriftleg oppseiing direkte til barnehagen. Dersom du får problem med innlogging, kan du sende oppseiing via e-post til dagleg leiar i barnehagen barnet har plass i.
Reglane for oppseiing og betaling gjeld frå foreldra stadfestar at dei tek imot barnehageplassen.
Oppseiing av plassen vert gjort digitalt via link på heimesida til Øygarden kommune. Gjensidig oppseiingsfrist er 1 månad, rekna frå den 1. i kvar månad.
Dersom plassen vert sagt opp etter 1. april eller barnet sluttar etter 1. mai, må ein betale ut barnehageåret, som er 14. august. Juli er betalingsfri månad
Private barnehagar har eigne regler for oppseiing. Les om dette i den einskilde barnehagen sine vedtekter.
Vanlege reglar gjeld for oppseiing og betaling sjølv om du ikkje har teke i bruk barnehageplassen.
Ver merksam på at du ikkje kan seie opp plass elektronisk i foresattportalen dersom barnet enda ikkje er begynt i barnehagen. Du må då sende inn ein e-post til den barnehagen som barnet har fått tildelt plass i for å seie opp plassen.
Klage
Foreldre/føresette har høve og rett til å klage på tildeling av barnehageplass. Klageretten gjeld for dei som har søkt innan søknadsfristen (01.03) og har rett på eit tilbod om barnehageplass- dersom ein ikkje har fått innvilga sitt 1. eller 2. val, eller ikkje har fått oppfylt retten til barnehageplass. Klage vert sendt Øygarden kommune. Forskrift om saksbehandlingsregler ved opptak i barnehage skildrar klageretten og saksgangen til foreldra.