Rong skule er ein barneskule som ligg i Øygarden kommune, om lag 45 min køyring frå Bergen sentrum. Skulekrinsen vår er Rong og Blomvåg. Skulen har 198 elevar og 35 tilsette.

Vi er ein nyrestaurert skule, slik at skulen framstår som ny og fin, med eige bygg til gymsal. Vi ligg i gangavstand til Hjeltefjorden arena, og anna turområde i nærområdet. Vi nyttar uteområdet aktivt.

Skuletid

Under finn du kortversjon med skulestart og skuleslutt. Timetal: 1.- 4.trinn  18,75 t/v og 5.-7.trinn: 21,33 t/v.

Leksehjelp

Det vert gitt tilbod om leksehjelp til elevar på 5. - 7. trinn. Ein time måndag og tysdag.

Ved andre endringar gir kontaktlærar melding.

Det er frivillig å melda seg på leksehjelp. Ved fråver/fritak må ein melda frå til kontaktlærar. Skulen er ansvarleg for elevane i opphaldstida. Føresette må vurdera om barna har behov for ekstra matpakke/drikke. Det går ikkje skulebuss etter leksehjelp-tilbodet.

Vi presiserer at det er eleven og føresette sitt ansvar at leksene vert gjort og at kvaliteten er god. Skulen oppmodar alle føresette til å engasjera seg i leksearbeidet og på den måten visa barnet at skulearbeid er viktig.

Helse, miljø og tryggleik (HMT) og internkontroll

HMT-mål for Rong skule:

Rong skule skal vera ein inkluderande og lærande organisasjon med vekt på gode informasjonsrutinar og god oppfølging.
 
Som IA-bedrift og gjennom Kvalitetskommuneprogrammet, skal vi sikra at alle tilsette fungerer i eit godt og inkluderande psykososialt arbeidsmiljø.
 
Vi skal ha eit ope fellesskap med rask og inkluderande oppfølging. Ved systematisk registrering av utviklingsområde og fortløpande utbetring av fysisk arbeidsmiljø, ønskjer vi å førebyggja yrkesskader og tilretteleggja for høg trivsel i eit funksjonelt og trygt arbeidsmiljø.

Varslingsplan ved krise

Denne oversikta viser korleis varsling vert organisert ved eventuell krise (PDF, 17 kB)