Alle trinna / klassane har samarbeidsteam der lærarpersonale og eventuelt assistentpersonale møter.
Møtetid
Trinnteama / klasseteama har fast teamtid kvar veke. Kontaktlærar er teamleiar. Teama gjer avtale om aktuell møtedag. Til vanleg er torsdag trinnteamdag, men teamtida kan også vera på måndagar eller onsdagar.
Lærarar og assistentar som er med i fleire trinnteam, gjer avtale om fordeling av møtetid i teama.
Trinnteama består av
Kontaktlærarar, anna lærarpersonale og assistentar / fagarbeidarar.
Trinnteamet ved lærarar og eventuelle assistentar / fagarbeidarar møter i skulen sitt klassemøte torsdagar ca. 2 gonger pr. halvår.
Teamarbeidet omfattar
- veke-, periode- og halvårs-planlegging for trinnet / klassen
- inkluderande samarbeid og samråding om aktuelle oppgåver og utfordringar
- samarbeid om prosjekt, tiltak og arrangement
- tilrettelegging av forsterka opplæring og tilpassa opplæring på alle nivå
- drøfting av behov for oppfølging på andre samrådingsarenaer internt/eksternt
- vurderingsarbeid
Arbeidet i trinnteama skal leggjast opp slik at alle lærarar og assistentar / fagarbeidarar i teamet, er godt informerte om planar, utfordringar, behov, tiltak og organisering. I trinnteama og i dagleg oppfølging skal ein halda kvarandre orienterte om planlagte fråvere knytta til kurs, møte, permisjonar o.l.
Trinnteama vurderer disponering av ressursar, bemanning og ansvarsdeling i høve til klassen sine samla ressursar og behov. Elevar med spesielle behov innan spesialundervisning, særskilt norskopplæring og morsmålsopplæring, skal ha sine timar individuelt og i gruppe i h.h.t. vedtak og tildeling.
Overfor elevar med enkeltvedtak i h.h.t. §5.1 spesialundervisning, vert det peikt ut ein koordinator. Koordinatoren er ansvarleg for å sjå til at premissane i eleven sin IOP og behov for oppfølging, vert fulgt opp i høve til eleven og klassen sine arbeidsplanar og periodeplanar. Koordinatoren har 0,25 t/v nedsett lesetid pr. elev til dette arbeidet (tidsressurspott).