Er du ein leiar som vil styrkja di strategiske påvirkningskraft i eit stadig meir komplekst landskap?

Øygarden kommune lanserer no Samfunnskraft – eit heilt unikt leiarutviklingsprogram! I dette programmet gjer vi noko heilt nytt; vi inviterer leiarar frå det private næringslivet, offentleg sektor og frivillig sektor til å delta. Leiarutviklingsprogrammet er designa for å gi konkrete resultat og skapa verdifulle relasjonar på tvers av sektorar. Vi er glade for at Vest Næringsråd er med som støttespelar.

Med kun 25 plassar får du ein eksklusiv læringsarena for å styrkja den strategiske rolla di, utvida perspektiva og byggja eit sterkt lokalt nettverk med internasjonal innsikt.

Kva er Samfunnskraft?

Samfunnskraft er eit leiarutviklingsprogram som kombinerer forskingsbaserte metodar, praktisk læring og nettverksbygging. Programmet er basert på det globale rammeverket Inner Development Goals (IDG) og er tilpassa for å møta behova til leiarar i Øygarden. Målet er ny felles innsikt i korleis menneske og organisasjonar kan løysa komplekse problem på meir innovativt og heilskapleg vis. 

Gjennom fem samlingar får du:

• Konkret metodikk bygd for å gi deg verdifull utvikling, levert av erfarne og kunnskapsrike føredragshaldarar.
• Målbare resultat – vi måler utviklinga di før og etter programmet.
• Eksklusivt nettverk av strategiske leiarar på tvers av sektorar.
• Praktiske verktøy du straks kan ta i bruk i din eigen organisasjon.
• Internasjonal tilnærming – global metodikk og innsikt frå nasjonale og internasjonale føredragshaldarar.
• Sertifisering som dokumenterer kompetanseutviklinga di.

Kva kan du forventa?

• Personleg vekst: Refleksjon over eigen leiarstil og utvikling av dine menneskelege ferdigheiter.
• Relasjonell kompetanse: Bygg sterke relasjonar og lær korleis du kan motivera og engasjera deg og organisasjonen din.
• Strategisk innsikt: Få tilgang til dei nyaste metodane innan berekraftig og innovativ leiing.
• Praktisk bruk: Bruk læringa direkte i din eigen leiar-kvardag gjennom verktøy og oppgåver frå programmet.

Kven kan vera med? 

Samfunnskraft er ope for leiarar frå ulike sektorar og nivå. Dette inkluderer mellomleiarar, fagleiarar, berekraftsansvarlege og toppleiarar som ønskjer å styrkja kompetansen sin og skapa positive samfunnsendringar.

Programmet er for leiarar frå:
✔ Privat næringsliv – toppleiarar, mellomleiarar og berekraftsansvarlege.
✔ Offentleg sektor – leiarar i kommunale og statlege organisasjonar.
✔ Frivillig sektor – leiarar i ideelle organisasjonar og samfunnsaktørar.
✔ Kunnskapsmiljø – akademiske og faglege ressurspersonar.

Om du ikkje arbeider i Øygarden, men arbeidsplassen din har tett samarbeid med aktørar i Øygarden, kan du òg søkja.

Program

Samfunnskraft er bygd på Inner Development Goals og fremjar utvikling gjennom menneskelege ferdigheiter. Hovudtema for samlingane er fordelt på desse kompetansane: Vera, Tenkja, Relatera, Samarbeida og Handla.

Kvart tema inkluderer:

• Fagleg påfyll og refleksjonar.
• Samtalar og deling mellom deltakarar.
• Praktiske øvingar og casearbeid.
• Innsjekksøvingar for å fremja nærvær.
• Oppgåver som knyter læringa til deltakarane sin arbeidskvardag.

Samlingar og lokasjonar:

• Dag 1: 20. mars - Glesvær Rorbu og Glesvær kafé
• Dag 2: 24. april - Teknologisenteret (Vest Næringsråd)
• Dag 3: 22. mai - Thon Partner Hotell Straume
• Dag 4: 17. september - Sotra Villmarkssenter
• Dag 5 og 6 med overnatting: 2. og 3. oktober - Panorama Hotell og Resort

Her kan du lesa fullt program. (PDF, 4 MB)

Leiande ekspertar og fasilitatorar:

• Brave Leadership, Jannecke Bugge, rådgjevar og Anna Svanberg, rådgjevar.
• Awake: Marte Alstad Hansen, kreativ leiar.
• Bård Fyhn, PhD frå NHH, ekspert på organisasjonspsykologi og leiarutvikling.
• Montserrat Telseth, regiondirektør i Norconsult Bergen.
• Dr. Sibylle Breiner, IDG-ekspert og leiar av IDG Global Practitioner Network.

Praktisk informasjon

• Pris: kr. 19.000,- + mva. per deltakar (inkluderer 4 heildagssamlingar med mat + 2 halvdagsamlingar med mat og overnatting).
• Lokasjon: Øygarden/bergensregionen.
• Servering: Lokal catering av mat.

Kun 25 plassar!

Med eit avgrensa tal deltakarar legg vi til rette for tett oppfølging og eit dynamisk læringsfellesskap. Meld di interesse i dag for å sikra deg ein plass! Vi handplukkar deltakarar for å skapa ei sterk gruppe med brei sektorrepresentasjon.

Er du ein leiar som vil utvikla strategisk kapasitet, påverknadskraft og berekraftig vekst?
Søk no for å ta del i ein av dei mest verdifulle læringsarenaene for leiarar i Øygarden.

Frist for søknad er 27. februar 2025. 

Meld interesse

Kvifor velja Samfunnskraft?

Dette er programmet for deg som vil styrkja deg sjølv som leiar, utvikla organisasjonen din og bidra til ei berekraftig framtid. Gjennom eit strukturert opplegg, målbare resultat og inspirasjon frå nasjonale og internasjonale føredragshaldarar får du verktøya du treng for å lukkast.

✔ Utvikling av di strategiske påverknadskraft
✔ Målbare resultat og sertifisering
✔ Unikt nettverk av leiarar på tvers av sektorar
✔ Verktøy for å skapa reelle endringar i organisasjonen din

Kontakt næringssjef Marianne Furheim på e-post: marianne.furheim@oygarden.kommune.no for spørsmål.

Ta leiarrolla di til neste nivå – bli med på Samfunnskraft 2025!