Mål: Ein god stad å vere ,leike, oppleve og lære
Visjon: Meistringsglede og mangfald.
Fleirkulturell barnegruppe
Straume barnehage har ein fleirkulturell barnegruppe og det er ein stor glede kvar dag. Vi har som ein del av innhaldet i barnehagen mykje musikk og fysisk aktivitet. Det er det lett for alle å bli med på uansett om det har eit godt språk eller ikkje., og det skapar mykje glede og auka samhald.
Barnehagen er ofte på tur til område rundt oss som Foldnesmarka, «Indianerskogen» og skogen i Arefjord. Vår plassering på Straume gjer at vi kan gå med barna til bibliotek, kyrkje, og til gode bussforbindinigar slik at vi enkelt kan nytte oss av tilbodet ikring oss.
Avdelingar
Vi har ein avdeling med 9 barn frå 0-2år og to store avdelingar med 18 barn frå 2-6 år. Her har dei små rolege rammer og dei søv inne saman med vaksne som sit og passar på dei. Barnehagen er ikkje så stor slik at alle kjenner kvarandre godt, både vaksne og barn. Dette gir stor tryggleik til store og små.
Uteområdet vårt er heilt supert, her er vi høgt og fritt i terrenget med sol og er skjerma frå trafikkstøy. Vi har vegetasjon som er som skapt for å gjøyme seg litt bort i og leike, terreng for å klyve litt, flott akebakke om vinteren og mange apparat om ein føretrekk det.
Miljø i fokus
Vi er opptekne av miljøet ikring oss og vi reparerar ting når det trengs. Vi tek vare på det vi har, og kjedesorterar. Vi lagar fuglemat og innsektshotell og har drivhus der barna får delta i planting, vatning og hausting. Satsningsområdet vårt er matematikk og naturfag med ein leikande og utforskande tilnærming. Barna får medvirke i sin kvardag saman med trygge, omsorgsfulle vaksne som ser dei.