Kort fortalt

• Du betalar frå den månaden (oppstartsdato)  barnet ditt startar i barnehagen.
• Kostnad for mat kjem i tillegg.
• Familiar med fleire barn i barnehage betalar mindre.
• Familiar med låg inntekt kan ha krav på redusert foreldrebetaling.
• Eit vedtak om redusert barnehagebetaling gjeld for eitt år om gongen. Ein må søkja på nytt for kvart barnehageår.
• Du betalar for elleve månader i året. For kommunale barnehagar er det betalingsfri i juli.

Pris for barnehageplass

Makspris for ein barnehageplass vert bestemt av Stortinget. Frå 1. januar 2023 er maksprisen for foreldrebetaling kr. 3 000,- per månad for heiltidsplass. Matpengar kjem i tillegg til det du betaler for barnehageplassen.

Redusert foreldrebetaling

Ordninga gjeld for familiar eller hushaldningar som har låg inntekt. Ei hushaldning skal ikkje betala meir enn 6 % av brutto årsinntekt for eín barnehageplass. Her finn du meir informasjon om redusert foreldrebetaling

Søskenmoderasjon

Foreldre med meir enn eitt barn i barnehage skal ha søskenmoderasjon, denne vert berekna slik:

• For første barn må du betale ordinær pris.
• For barn nummer to vert det trekt 30% i søskenmoderasjon.
• Frå august 2023 får du 100% søskenmoderasjon for barn nummer tre eller fleire som har opphald i barnehage samtidig.

Det er ikkje naudsynt å søkja om ordninga, den vert berekna automatisk. Søsken må bu i same hushald. Redusert pris for søsken gjeld ikkje mellom barnehage og SFO.

Ikkje betalt faktura

• Kommunale barnehagar: Manglande betaling for barnehageplass vil medfører at kravet vert sendt til inkasso. Kommunen kan varsle om oppseiing av plassen ved vesentleg mislighald.
• Private barnehagar: I private barnehager gjeld den einskilde barnehage sine vedtekter og reglar vedrørande betaling.

Lovar og reglar

• Forskrift om foreldrebetaling i barnehagar