Alle skal medverka til å skapa eit godt arbeidsmiljø og er forplikta til å retta seg etter dei reglane som gjeld på skulen.

Retningsreglar

Lærings- og integreringssenter forventar at du:

• møter presis til alle timane. Kjem du meir enn fem minutt for seint eller forlet ein time før undervisninga er slutt, vert timen notert som ugyldig fråvær
• gjev skulen beskjed dersom du flyttar eller sluttar
• har med deg bøker og anna nødvendig utstyr
• viser god arbeidsinnsats
• gjer heimearbeid til avtalt tid
• deltek på ekskursjonar og andre arrangement i skuletida
• tek vare på alt undervisningsutstyr som høyrer skulen til
• held orden både inne og ute, ryddar opp etter deg
• erstattar skade på eigedom eller eigendelar til skulen for inntil kr. 5 000,-
• brukar mobiltelefonen berre etter avtale med lærar
• viser toleranse og ikkje krenkjer andre med mobbing, trakassering eller valdsbruk
• ikke sjikanerer andre deltakarar på grunn av tru, klesdrakt eller måtar å eta på. Kvinner og menn har same rettar. Det er ikkje lov med bøn i undervisningstida
• av pedagogiske årsaker ikkje nyttar hovudplagg som heilt eller delvis dekkjer ansiktet ditt
• røykjer på lovleg område, og kastar sneipane i askebeger
• følgjer forbud mot all bruk av rusmiddel i skuletida

Fråværsreglar

Er du vekke fra skulen eller praksis skal du:

• same dag melda frå til skulen om fråværet. Dette gjer du på SMS på mobilnummer 903 68 095 eller e-post til kontaktlærar
• første skuledag etter fråværet levera eigenmelding eller sjukemelding om fråværsgrunn og tidspunkt for fråvær
• gi beskjed til praksisplassen
• gå til lege, helsesøster og tannlege etter kl. 12.30. Du skal be om ny time dersom du har fått time i skuletida
• for alt anna fråvær søkja programrådgjevar hjå INTRO om permisjon minst ei veke på førehand

Reglar for bruk av datamaskiner og internett

• Datamaskinene til skulen er til bruk for deltakarar på skulen og skal behandlast med varsemd. Det er ikkje lov til henta inn, lagra eller vidaresenda rasistisk, valdeleg eller pornografisk materiale
• Lån av PC berre etter avtale med lærar