Her finn du informasjon til deg som brukar elsparkesykkel og til utleigefirma som driv dei.
Sidan dei første elsparkesyklane blei sette ut i Straume i 2022, har dei blitt ein del av bybiletet og kvardagen til mange. På denne nettsida publiserer kommunen informasjon både til deg som brukar elsparkesykkel og til utleigefirma som driv dei.
Reglar for bruk av elsparkesykkel
Både for private og utleigde elsparkesyklar gjeld dei same trafikkreglane. Ei fullstendig oversikt finn du på nettsidene til Statens vegvesen, men her får du dei viktigaste punkta i korte trekk:
Aldersgrensa for å køyre elsparkesykkel er 12 år. Hugs at utleigeføretaka kan ha høgare aldersgrense, til dømes 16 eller 18 år.
Barn under 15 år har påbod om å bruke hjelm, men vi tilrår at alle gjer det. Det er stor skilnad på kor mykje ein kan skade seg med og utan hjelm.
Det er forbode å køyre elsparkesykkel dersom du er påverka av alkohol eller andre rusande eller bedøvande middel. Den alminnelege promillegrensa på 0,2 gjeld også her.
Det er ikkje lov å ha passasjer på elsparkesykkel. Det er heller ikkje lov å frakte passasjer i tilhengjar festa til sykkelen.
Utleige av el-sparkesyklar er stengt mellom kl. 24.00 og 05.00.
Vis omsyn når du parkerer.
Du kan parkere på gang- og sykkelveg, fortau eller gågate så lenge sykkelen ikkje er til hinder eller ulempe for andre. Det betyr at han ikkje skal stå i vegen for dei som syklar eller går.
Du må parkere slik at sykkelen ikkje er til hinder for personar med ulike behov, til dømes rullestolbrukarar eller personar med nedsett syn.
Når du parkerer, skal du setje frå deg el-sparkesykkelen på ein måte som hindrar at han veltar og skapar problem for andre trafikkantar.
Dersom du parkerer slik at el-sparkesykkelen er til hinder eller ulempe for andre, eller på område der det er skilta parkeringsforbod, kan du få eit gebyr på 900 kroner.
Kontaktinformasjon til utleiefirma
Per i dag er det to utleigefirma som set ut el-sparkesyklar i Straume: det svenske firmaet Voi og det lokale GetOn. Dersom du oppdagar feilparkerte syklar, kan du ta kontakt direkte:
Voi:
E-post: support@voiapp.io
Telefon: 922 26 666
Opningstid kundeservice: måndag–fredag kl. 08.00–16.00
GetOn:
E-post: support@getonmobility.com
Kart over parkeringssoner i Straume
Kommunen har rettet opp et oversiktskart kart med geogjerder som utleieselskapa må ha iverksett ovanfor brukarar ved oppstart av løyveperioden i 2026. Geogjerder er virtuelle soner kvar det gjeld spesielle reglar. Dei skal bidra til å sikre at el-sparkesyklar vert ikkje satt frå seg i naturområda eller blir eit hindre for andre trafikantar.
Geogjerde og soneinndeling for små elektriske køyretøy i Øygarden kommune.
Lover og reglar
Sist endra 04.12.2025 13.34