Formål

Avlastning skal bidra til å lette omsorgsbyrda for personar med særleg krevjande omsorgsoppgåver for barn og unge over tid.

Målgruppe

Innbyggjarar som har særleg krevjande omsorgsoppgåver overfor barn eller unge med store og samansette hjelpebehov over tid.

Skildring

Avlasting vert innvilga som pårørandestøtte til personar som har særleg krevjande omsorgsoppgåver Den som har særleg krevjande omsorgsoppgåver kan søkja om avlasting for å letta omsorgsbyrda. Det er den som utfører omsorg som har denne retten og ikkje den som treng omsorg

Tenesta vert tilbydd ut frå ulike behov og kan organiserast på ulike måtar.

Avlasting kan gjevast i følgjande former:

• fortrinnsvis i privat avlasting
• timeavlasting i eller utanfor heimen
• avlasting i kommunal avlastingsinstitusjon
• andre tenester, til dømes helsetenester i heimen eller praktisk bistand/heimehjelp
• dagaktivitetstilbod - skal gi aktivitet og fellesskap til brukar og avlasting for pårørande

Kriterium og vurdering

Avlasting vert tildelt med utgangspunkt i individuell vurdering av behov og kan gjevast i form av timar eller døgnopphald. Avlastingstiltak vert sett i samanheng med andre tiltak, og det vert vurdert kva tiltak som er mest formålstenlege. Når det vert tildelt avlasting på institusjon, må det vera vurdert at ingen andre tiltak kan erstatta behovet.

Kriterium som vert lagt vekt på i vurderinga av kva som er særleg krevjande omsorgsoppgåver:

• Omfanget og forventa behov over tid.
• Om omsorgsarbeidet er særleg krevjande ut i frå barnet sin alder.
• Særleg fysisk og psykisk krevjande oppgåver, til dømes nattarbeid.
• Om den som er avhengig av hjelp, ikkje kan vera åleine delar av døgnet.
• At omsorgsytar bur saman med den som mottek omsorg .
• Innvilga hjelpestønad frå NAV.
• Om du har omsorg for fleire enn den hjelpetrengjande.

Når omsorgsoppgåvene gjeld barn, skal alltid det beste for barnet vera det viktigaste i den faglege vurderinga. I vurderinga av kva som er særleg krevjande omsorgsoppgåver, blir det også teke med kva somreknast som normal omsorgsplikt overfor barn og unge som er under 18 år.

Forventningar til tenestemottakar

Du melder frå så tidleg som mogleg om tenesta ikkje skal nyttast til avtalt tidspunkt.

Ved døgnopphald gjeld:

• Du har oppdatert helseinformasjon til ei kvar tid.
• Du har med oppdatert legemiddelliste.
• Du har med medisinar og naudsynt medisinsk utstyr.

Praktiske opplysningar

Tenesta vil også inkludera eventuell transport der det er relevant. Pårørande må sjølv følgje brukar til aktivitetar som ikkje er i regi av avlastingsinstitusjonen.

Eigenbetaling

Tenesta er gratis, men tenestemottakar må sjølv betala utgifter til eigne aktivitetar under avlastingsopphald.

Lovgrunnlag

• Helse- og omsorgstenestelova, § 2-1 andre ledd og § 2-8
• Pasient- og brukarrettslova, §1-1, §3-1 og § 3-6 nr. 2

Du kan klaga på vedtaket

• Pasient og brukarrettslova, § 7-2

Formål

Avlastning skal gje brukar eit tilpassa og godt tilbod. Samstundes skal tilbodet redusera belasting over tid for omsorgsytar. Tenesta skal gje omsorgsytar nødvendig fritid og ferie for å bidra til at ein kan halda på familiære relasjonar og sosiale nettverk og delta i vanlege samfunnsaktivitetar.

Målgruppe

Innbyggjarar som utfører særleg tyngjande omsorgsarbeid for vaksne med store hjelpebehov.

Skildring

Avlasting vert innvilga som pårørandestøtte til personar som utfører særleg tyngjande omsorgsarbeid. Den som utfører særleg tyngjande omsorgsarbeid kan søkja om avlasting for å letta omsorgsbyrda. Det er den som utfører omsorg som har denne retten og ikkje den som treng omsorg.

Avlasting kan gjevast på følgjande måtar:

• timeavlasting i eller utanfor heimen
• avlastningsopphald på sjukeheim
• andre tenester, til dømes helsetenester i heimen eller praktisk bistand/heimehjelp
• dagaktivitetstilbod - skal gi aktivitet og fellesskap til brukar og avlasting for pårørande

Kriterium og vurdering

Avlasting vert tildelt med utgangspunkt i individuell vurdering av behov og vert gjeven i form av timar eller døgnopphald. Avlastingstiltak vert sett i samanheng med andre tiltak, og det vert vurdert kva kommunale tiltak som er mest formålstenlege. Når det vert tildelt avlasting på institusjon, må det vera vurdert at ingen andre tiltak kan erstatta behovet.

Kriterium som vert lagt vekt på i vurderinga av kva som er særleg tyngjande omsorgsarbeid:

• Omfanget av omsorgsoppgåvene
• Nødvendige omsorgsoppgåver som er forventa behov over tid
• Særleg fysisk og psykisk krevjande oppgåver, til dømes nattarbeid
• Om den som er avhengig av hjelp, ikkje kan vera åleine delar av døgnet
• At omsorgsytar bur saman med den som mottek omsorg
• Innvilga hjelpestønad frå NAV

Forventningar til tenestemottakar

Du melder frå så tidleg som mogleg om tenesta ikkje skal nyttast til avtalt tidspunkt. Ved døgnopphald gjeld:

• Du ordnar sjølv transport til og frå eventuelle opphald.
• Du har med oppdatert legemiddelliste.
• Du har med medisinar og nødvendig medisinsk utstyr.

Praktiske opplysningar

Ved døgnopphald vert det ikkje gitt tilbod om legetilsyn under opphaldet. Dersom helsetilstanden din endrar seg slik at det er behov for behandling eller medisinsk oppfølging, vil opphaldet gjerast om til korttidsopphald.

Eigenbetaling

Tenesta er gratis, men du må sjølv betala utgifter til eigne aktivitetar under avlastingsopphald. Ved behov for fysioterapi under avlastingsopphald, betalar du eigendel.Dersom avlastingsopphaldet vert gjort om til korttidsopphald, må du betala eigendel for opphaldet.

Lovgrunnlag

• Helse- og omsorgstenestelova, § 2-1 andre ledd og § 2-8
• Pasient- og brukarrettslova, §1-1, §3-1 og § 3-6 nr. 2

Du kan klaga på vedtaket

• Pasient og brukarrettslova, § 7-2

Formål

Brukarstyrt personleg assistanse (BPA) er ein måte å organisere praktisk bistand og opplæring på. Målet er å bidra til at personar med bistandsbehov får eit aktivt og mest mogeleg uavhengig liv til tross for funksjonsnedsetting.

Målgruppe

Innbyggjarar som har eit særleg hjelpebehov på grunn av sjukdom, funksjonsnedsetjing eller andre årsaker, og som sjølv heilt eller delvis ikkje kan ivareta daglege praktiske og personlege gjeremål. Dersom du har foreldreansvar for heimebuande barn under 18 år med nedsett funksjonsevne, kan du ha rett til å få avlastingstiltak organisert som BPA.

Skildring

BPA er ein måte å organisera praktisk bistand og opplæring på. Praktisk bistand omfattar hjelp til dagleglivet sine praktiske gjeremål i hushaldinga og personleg stell. Tenesta skal vere føreseieleg og tilrettelagt på best mogleg måte og skal hjelpa innbyggjaren til å bli sjølvhjelpt i dagleglivet. Innbyggjaren avgjer sjølv når og kva oppgåver som skal utførast i samsvar med vedtaket om tenester. Vedtaket gjer greie for kva behov som skal dekkjast og tal timar som er innvilga.

Når tenesta er organisert som ei BPA-ordning, er det innbyggjaren sjølv som er arbeidsleiar i ordninga. Er innbyggjaren mindreårig, er det føresette som har dette ansvaret.

Oppgåver knytt til BPA kan vera:

• praktisk bistand og opplæring, inkludert hjelp til eigenomsorg og personleg stell
• hjelp til deltaking i fritidsaktivitetar, som fritidskontakt
• avlasting for føresette med heimebuande barn under 18 år med nedsett funksjonsevne

Kriterium og vurdering

For å få innvilga tenester organisert som brukarstyrt personleg assistanse, må du ha rett til nødvendige helse- og omsorgstenester frå kommunen. BPA-ordninga er berekna for born og vaksne som har et stort og varig assistansebehov. Utgangspunkt for vurdering og utmåling av tenester er lik som andre søknadar om helse og omsorgstenester. Du må bu i Øygarden kommune og du eller eventuelt pårørande/verje må kunna vera arbeidsleiar for ordninga.

For å ha rett til å få organisert tenester som BPA, må det liggja føre eit langvarig behov (over 2 år) og eit tenestebehov på minst 32 timar i veka. Innbyggjarar med tenestebehov mellom 25 og 32 timar i veka har òg rett til BPA, med mindre kommunen kan dokumentera at slik organisering vil vera vesentleg meir kostnadskrevjande.

Det må vera formålstenleg å organisera praktisk bistand som ei BPA-ordning: Hovudregelen er at det ikkje skal vera behov for tenester som krev fleire enn éin tenesteytar.

Forventningar til tenestemottakar

• Du gjev beskjed når behovet for tenesta tar slutt eller endrar seg
• Assistentane har føreseielege arbeidsplanar i tråd med Arbeidsmiljølova og retningsliner for ordninga.
• Du syter for eit røykfritt arbeidsmiljø når assistentar er til stades
• Du gjer deg kjend med ansvaret og oppgåvene som det å vera arbeidsleiar fører med seg.
• Du er sjølv arbeidsleiar for assistentar som vert tilsett. Dersom tenestemottakar er mindreårig, er det føresett som er arbeidsleiar.

Praktiske opplysningar

Tenesta blir utført av assistentar i ordninga, i samarbeid med den private aktøren som organiserer tenestene. Dersom du har foreldreansvar for heimebuande barn under 18 år med nedsett funksjonsevne, kan du ha rett til å få avlastingstiltak organisert som BPA.

Eigenbetaling

Helsetenester er gratis, men det er krav om eigenbetaling for praktisk bistand (til dømes reinhald av bustad)

Lovgrunnlag

• Helse- og omsorgstenestelova, §§ 3-2, fyrste ledd nr. 6 bokstav b.
• Pasient- og brukarrettslova, § 2-1 d
• Rundskriv I-20/2000 Brukarstyrt personleg assistanse
• Rundskriv I-15/2005 BPA, utviding av målgruppe

Du kan klaga på vedtaket

• Pasient og brukarrettslova, § 7-2

Formål

Dagtilbod skal gje innbyggjar høve til å oppleva sosialt fellesskap, delta i aktivitetar og oppretthalda funksjonsnivå.

Målgruppe

Heimebuande eldre og personar med kognitiv svikt eller pårørande med særleg tyngjande omsorg.

Skildring

Dagtilbod er eit tilbod for deg som bur heime og ikkje kan nytta deg av andre opne aktivitetstilbod i kommunen. Tilbod er lovpålagt for personar med demensdiagnose. Her får du tilbod om sosiale aktivitetar og næringsrike måltid. Dagsenter er og eit tilbod for pårørande med særleg tyngjande omsorg som treng avlastning i kvardagen.

Dagtilbod består av tilpassa aktivitetar som skal bidra til å meistra funksjonar i kvardagen. Tilbodet skal gi meining, meistring og gode opplevingar for den enkelte. Vi tilstrebar at aktivitetar er tilpassa den enkelte innbyggjaren og samansetjing i gruppa. Tilbodet kan tildelast ein eller fleire dagar per veke basert på behov, tilgjengeleg plass og inkluderer måltid og transport til/frå.

Kriterium og vurdering

Deltaking i dagtilbod føreset at:

• Du kan delta i gruppe
• Du er fysisk mobil, eventuelt ved hjelp av forflyttingshjelpemiddel.
• Du har ikkje behov for særskilt tilrettelegging eller kontinuerleg oppfølging og tilsyn
• Du har ikkje behov for vedvarande skjerming for å ivareta eigen integritet.

Vedtak om dagtilbod vert avslutta dersom du får innvilga vedtak om heildøgns omsorg (langtidsopphald i institusjon eller omsorgsbustad med heildøgns bemanning). Det same gjeld dersom du ikkje nyttar dagtilbodet i ein periode på to månadar. Dersom du er på avlastingsopphald, fell dagtilbod bort, med mindre du kan organisera eigen transport

Forventningar til tenestemottakar

• Du melder frå så tidleg som mogleg om tenesta ikkje skal nyttast til avtalt tidspunkt
• Du tar med nødvendig utstyr til aktiviteten.

Praktiske opplysningar

Dersom du treng transport for å nytta deg av tilbodet, legg vi til rette for det. (Om du ønskjer å nytta anna transport, betaler du dette sjølv).

Eigenbetaling

Det er eigenbetaling for tenesta. Dagtilbod for avlasting pårørande har ikkje eigenbetaling.

Lovgrunnlag

• Helse- og omsorgstenestelova, §§ 3-1 og 3-3, § 3-2 pkt 7
• Pasient- og brukarrettslova, §§ 2-1 a andre ledd og 2-8

Du kan klage på vedtaket

• Pasient og brukarrettslova, § 7-2
• Forvaltningslova, § 28

Formål

Gjennom dagtilbod skal innbyggjar få høve til å oppleva sosialt fellesskap, delta i aktivitetar og oppretthalda funksjonsnivå.

Målgruppe

Innbyggjarar over 18 år med nedsett kognitiv, fysisk, psykisk og sosial funksjonsevne som har behov for tilrettelagd dagaktivitetstilbod.

Tilbodet er for personar som har for dårleg funksjonsnivå til å kunna vera i vanleg tilrettelagt arbeid gjennom NAV, og som har behov for å delta i aktivitet på dagtid.

Skildring

Tilbodet består av tilpassa aktivitetar hovudsakleg i grupper. Du kan få plass på dagsenter frå eín til fem kvardagar i veka. Kor ofte du kan vera på dagsenteret avhenger av kva behov du har. Alle dagsenter har aktivitetar tilpassa den enkelte.

Eksempel på aktivitetar:

• arbeids- og hobbyoppgåver
• opptrening av ferdigheiter
• sosiale samlingar
• utflukter
• trim

Kriterium og vurdering

Du må bu i Øygarden kommune og vera ferdig med vidaregåande skule samt vera vurdert som arbeidsufør.

Forventningar til tenestemottakar

• Du melder frå så tidleg som mogleg om tenesta ikkje skal nyttast til avtalt tidspunkt
• Du tar med nødvendig utstyr til dagtilbodet (vert avtalt individuelt)

Praktiske opplysningar

Dersom du treng transport for å nytta deg av tilbodet, legg vi til rette for det. (Om du ønskjer å nytta anna transport, betaler du dette sjølv).

Eigenbetaling

Tenesta er gratis men du må betale eigendel for mat og drikke.

Lovgrunnlag

• Helse- og omsorgstenestelova, §§ 3-1 og 3-3, § 3-2 pkt 7
• Pasient- og brukarrettslova, §§ 2-1 a andre ledd og 2-8

Du kan klaga på vedtaket

• Pasient og brukarrettslova, § 7-2

Formål

Ergoterapi-tenesta skal bidra til at personar med funksjonsnedsetjing kan leva eit mest mogeleg sjølvstendig, aktivt og meiningsfullt liv.

Målgruppe

Innbyggjarar med funksjonsnedsetjing som kan ha nytte av ergoterapitenesta.

Skildring

Personar som har vanskar med å utføra personlege gjeremål, kan ha nytte av å få oppfølging av ergoterapeut. Ergoterapeut kan gje tenester i heimen eller på andre aktuelle arenaer, som skule og barnehage. Ved behov samarbeider terapeutane med andre tenesteytarar i og utanfor kommunen.

Tilbodet inkluderer kartlegging og undersøking, utifrå kartlegging set vi saman mål og tiltak.Aktuelle tiltak kan vera:

• Trening på aktivitetar i dagleglivet
• Hjelp til tilrettelegging av omgjevnader
• Råd og rettleiing
• Hjelpemiddelformidling

Dersom du har behov for å eit hjelpemiddel for å klara deg i dagleglivet, kan ergoterapeuten hjelpa med å søkja om dette til NAV hjelpemiddelsentralen og gje opplæring i bruk. Har du behov for hjelpemiddel for ein kortare periode, kan du låna dette frå korttidslageret i kommunen.

Kriterium og vurdering

Individuell vurdering etter prioriteringsnøkkel. Prioriteringsnøkkelen finn ein på kommunen sine nettsider for ergoterapi, sjå lenkje nedanfor.

Forventningar til tenestemottakar

• Du er delaktig i å setja mål for oppfølging og følgjer dette opp som avtalt
• Du gir beskjed viss du er hindra frå å gjennomføra avtalt time
• Dersom hjelpemiddel er eit tiltak, skal ein først avklara om utstyr frå vanleg handel er tilstrekkeleg
• Du tar vare på utlånte hjelpemiddel og gjer beskjed viss noko vert øydelagt eller ikkje er i bruk
• Husdyr blir haldne i eit anna rom eller i band ute når helsepersonell er til stades.
• Du syter for eit røykfritt arbeidsmiljø når helsepersonell er til stades.

Tenesta omfattar ikkje

• Praktisk hjelp i eigen bustad
• Persontransport
• Behandling av økonomi og banktenester
• Tilrettelegging i arbeidslivet

Praktiske opplysningar

For pasientar i eit habiliterings- eller rehabiliteringsforløp vert tenesta gitt saman med institusjonar, heimesjukepleie, bustadtilbod, dagtilbod, barnehage, skule, arbeidsplass eller andre relevante samarbeidspartar.

Eigenbetaling

Tenesta er gratis.

Lovgrunnlag

• Helse- og omsorgstenestelova, §§ 3-1 og 3-2, fyrste ledd nr. 5, jf. andre ledd
• Pasient- og brukarrettslova, § 2-1 a andre ledd
• Lov om folketrygd (folketrygdloven) - Kapittel 10. Stønad for å kompensere for utgifter til bedring av arbeidsevnen og funksjonsevnen i... - Lovdata § 10, 6 og 7

Du kan klaga på vedtaket

• Pasient og brukarrettslova, § 7-2

Formål

Formålet med tenesta er å hjelpe den enkelte til ei meiningsfull fritid i samvær med andre, bidra til auka sjølvstende, forebygge einsemd og bryte isolasjon.

Målgruppe

Innbyggjarar som er avhengig av  bistand for å delta i fritidsaktivitetar og sosialt samvær.

Skildring

Fritidskontakt er personleg bistand til deg, med mål om deltaking og meistring i fritidsaktivitetar. Ein fritidskontakt kan til dømes vera med deg til fritidsaktivitetar og trena deg til å verta meir sjølvstendig og delta i sosiale samanhengar, organisert individuelt eller i grupper.  

Kriterium og vurdering

Du kan søkje om fritidskontakt uavhengig av diagnose dersom du grunna funksjonsnedsetting er sosialt isolert og treng hjelp til å få ei aktiv og meiningsfull fritid. Du må vera over 8 år.

Du må vera i behov for personbistand for å kunne delta på fritidsaktivitetar. Behovet for tenesta blir vurdert i samanheng med andre tenester du allereie har tilbod om.

Kommunen vil i dialog med deg som søkjar vurdere behovet for fritidskontakt eller om det eventuelt er andre tenester som passar betre.

Forventningar til tenestemottakar

• Du tek så langt som mogleg del i å setja mål for tenesta og er aktiv i tida saman med fritidskontakten.
• Du melder frå så tidleg som mogleg om tenesta ikkje skal nyttast til avtalt tidspunkt eller om behov for tenesta endrar seg.

Tenesta omfattar ikkje

• Oppgåver som ikkje er relatert til aktivitet og fritid.
• Hjelpebehov som vert forventa dekka av foreldre, føresette eller andre familiemedlemmer.
• Norskopplæring til innvandrarar/flyktningar.
• Behov for praktisk bistand og transport.
• Behov for følje til offentlege kontor, samt lege.

Eigenbetaling

Brukar betalar eigne utgifter, som til dømes transport, mat og aktivitetar. Kommunen dekkjer utgifter for fritidskontakt inntil ein viss månadleg sum.

Lovgrunnlag

• Helse- og omsorgstenestelova, §§ 3-1 og 3-6 nr. 2
• Pasient- og brukarrettslova, § 2-1 a andre ledd og § 2-8

Du kan klaga på vedtaket

• Pasient og brukarrettslova, § 7-2

Formål

Fysioterapitenesta kan førebyggja og behandla skader og sjukdomar som gir smerter og/eller nedsett funksjon i muskel- og skjelettsystemet.

Målgruppe

Innbyggjarar med funksjonsvanskar relatert til bevegelse, muskel og skjelett.

Skildring

Personar som har nedsett funksjonsevne grunna sjukdom eller plager i muskel.- og skjelettsystemet kan ha nytte av å få oppfølging av fysioterapeut. Fysioterapeuten kan bidra med vurdering, behandling og tilrettelegging. Ved behov samarbeider terapeutane med andre tenesteytarar i og utanfor kommunen.

Tilbodet inkluderer kartlegging og undersøking, utifrå kartlegging set vi saman mål og tiltak.

Aktuelle tiltak kan vera:

• Behandling og trening, individuelt og i gruppe.
• Råd og rettleiing
• Hjelpemiddelformidling

Dersom du har behov for å eit hjelpemiddel for å klara å deg i dagleglivet, kan fysioterapeuten søkja om dette til NAV hjelpemiddelsentralen og gje opplæring i bruk. Har du behov for hjelpemiddel for ein kortare periode, kan du låna dette frå korttidslageret i kommunen

Kriterium og vurdering

Hovudregelen er at du oppsøkjer fysioterapeut som kommunen har driftsavtale med (fysikalsk institutt), dersom du er i stand til det. Det kommunale fysioterapitilbodet er for dei som av helsemessige eller andre årsaker ikkje kan nytta seg av fysioterapi på institutt.

Individuell vurdering etter prioriteringsnøkkel. Prioriteringsnøkkelen kan ein finna på nettsider for fysioterapi, sjå lenkje nedanfor.

Forventningar til tenestemottakar

• Du er delaktig i å setja mål for behandling og følgjer dette opp som avtalt
• Du gir beskjed viss du er hindra frå å gjennomføra avtalt time
• Dersom hjelpemiddel er eit tiltak, skal ein først avklara om utstyr frå vanleg handel er
  tilstrekkeleg.
• Du tar vare på utlånte hjelpemiddel og gjer beskjed viss noko vert øydelagt eller ikkje er i bruk
• Husdyr blir haldne i eit anna rom eller i band ute når helsepersonell er til stades.
• Du syter for eit røykfritt arbeidsmiljø når helsepersonell er til stades.

Tenesta omfattar ikkje

• Praktisk hjelp i eigen bustad
• Persontransport
• Behandling av økonomi og banktenester

Praktiske opplysningar

For pasientar i eit habiliterings- eller rehabiliteringsforløp vert tenesta gitt saman med institusjonar, heimesjukepleie, bustadtilbod, dagtilbod, barnehage, skule, arbeidsplass eller andre relevante samarbeidspartar.

Eigenbetaling

Det er eigenbetaling for fysioterapi. Tenesta er gratis for barn under 16 år, personar med frikort helsetenester og ved godkjend yrkesskade. Vi viser elles til «Forskrift om stønad til dekning av utgifter til fysioterapi» nedanfor.

Lovgrunnlag

• Helse- og omsorgstenestelova, § 3-2
• Pasient- og brukarrettslova, § 2-1 a andre ledd
• Forskrift om stønad til dekning av utgifter til fysioterapi m.m - Lovdata
• Lov om folketrygd (folketrygdloven) - Kapittel 10. Stønad for å kompensere for utgifter til bedring av arbeidsevnen og funksjonsevnen i... - Lovdata § 10, 6 og 7

Du kan klaga på vedtaket

• Pasient og brukarrettslova, § 7-2

Formål

Helsetenester i heimen skal gje deg naudsynt og forsvarleg helsehjelp, og bidra til at du skal kunna bu i eigen bustad så lenge som mogleg.

Målgruppe

Tenesta er eit tilbod til innbyggjarar som har behov for helse- og omsorgstenester i heimen. Innbyggjarar som ikkje sjølv kan oppsøkja helsehjelp på grunn av sjukdom eller funksjonsnedsetjing og som er avhengig av hjelp i eigen heim for å få dekt grunnleggande helse- og omsorgsbehov.

Skildring

Helsetenester i heimen vert gjeve til innbyggarar i alle aldrar som har behov for nødvendig helsehjelp og som ikkje kan få dekt dette behovet på anna måte. Med helsehjelp meiner vi handlingar som er førebyggjande, behandlande, helsebevarande og/eller rehabiliterande. Tenesta blir gitt uavhengig av buform, og vert tildelt på individuelt grunnlag.

Tenesta vert utført etter behov og kan blant anna vera:

• Hjelp til grunnleggjande behov når det gjeld mat, ernæring og personleg hygiene
• Legemiddeladministrasjon og/eller -oppfølging og anna medisinsk behandling (i samråd med fastlege)
• Opplæring og rettleiing knytt til helserelaterte situasjonar for eigenomsorg og eigenmeistring, gjerne saman med pårørande
• Oppfølging/observasjon av helsetilstand/sjukdomsutvikling
• Tilrettelegging for lindrande behandling og omsorg/pleie ved livets slutt
• Støtte og rettleiing til pårørande ved alvorleg sjukdom
• Psykisk-/fysisk helsehjelp
• Rusmeistring

Kriterium og vurdering

Tenesta vert tildelt etter søknad frå deg eller pårørande/verje (samtykke). I dialog med deg vil vi kartleggja behov for helsehjelp med individuell vurdering av blant anna

• Behov for nødvendig helsehjelp 
• Omfang av hjelpebehov 
• Medisinske opplysningar frå fastlege/spesialisthelseteneste 
• Kva ressursar/hjelp innbyggjar har sjølv eller har frå eige nettverk  
• Tenesta kan bli gitt som kortvarig opplæring, om det vert vurdert som formålstenleg

Forventningar til tenestemottakar

• Du gjer deg kjent med innhaldet i vedtaket og kva tenester du har fått tildelt; samt deltek i planlegging av utføring så langt det let seg gjera. Du tek i vare og utfører dei oppgåver du meistrar sjølv
• Du nyttar hjelpemiddel og velferdsteknologiske løysingar dersom det er vurdert som nødvendig (til dømes heis, sjukeseng, tryggleiksalarm mm)
• Du syter for eit røykfritt arbeidsmiljø når helsepersonell er til stades, samt at husdyr blir halde i eit anna rom eller i band ute
• Du melder frå så tidleg som mogleg om tenesta ikkje skal nyttast til avtalt tidspunkt

Tenesta omfattar ikkje

• Følgje/transport og ærend utanfor heimen
• Tenester som helsepersonell har konkludert med at du kan få utført på legekontor (til dømes sårstell, prøvetaking, urinprøve, injeksjon, vaksinering)
• Betaling av rekningar, handtering av pengar, bank- eller posttenester
• Oppgåver husdyrhald
• Middagslaging (vi kan varma opp ferdig tillaga mat)

Praktiske opplysningar

Vi vurderer hjelpebehov fortløpande og kan etter ei fagleg vurdering auka opp, redusera eller avslutta hjelpa. Vi vil tilstreba mest mogleg kontinuitet i tenesta, men det må påreknast at det kjem fleire ulike personar for å stette ditt behov. Om det oppstår særskilte utfordringar vert dette søkt løyst gjennom dialog med deg.

Det må påreknast at det i tillegg til fast personell kjem lærlingar og anna personell under opplæring.

Ved akuttsituasjonar kan det henda vi må utsetja eller avlysa enkeltoppdrag, i så fall får du melding om dette.

Eigenbetaling

Tenesta er gratis. Det kan krevjast eigenbetaling for andre oppgåver (til dømes vaska opp, ta inn/ ut av oppvaskmaskin, skifta på seng eller liknande).

Lovgrunnlag

• Helse- og omsorgstenestelova, §§ 1-1, 3-1 og 3-2 punkt 6a 
• Pasient- og brukarrettslova, § 2-1 a 
• Rett til nødvendig tannhelsehjelp (Helsedirektoratet)

Du kan klaga på vedtaket

Pasient og brukarrettslova, § 7-2

Formål

Korttidsopphald skal sikra omfattande tilsyn og hjelp til innbyggjar i ei tidsavgrensa periode der hjelpebehovet ikkje kan ivaretakast heime

Målgruppe

Pasientar som treng tidsavgrensa opphald i institusjon for vidare behandling etter sjukehusopphald, eller oppretthalda/betra sitt funksjonsnivå eller helsetilstand

Skildring

Korttidsopphald er eit tidsavgrensa opphald i institusjon som vert innvilga til innbyggjar for ein kortare periode. Tenesta er for personar som har behov for omfattande helse og omsorgstenester heile døgnet:

• For utskrivingsklare pasientar frå sjukehuset eller frå heimen med behov for tidsavgrensa opphald heile døgeret, med oppfølging etter funksjonssvikt eller kronisk sjukdom.
• Smerte- og symptomlindring for alvorleg sjuke med kort forventa levetid, og som treng smerte- og symptomlindring utover det ein vanleg sjukeheimsavdeling eller heimesjukepleie kan gi.
• Rehabilitering for å vinna tilbake funksjon etter sjukdomsforløp
• Augeblikkeleg hjelp/døgnopphald, tildelt av lege i samsvar med kriteria i avtale med Helse Bergen

Kriterium og vurdering

Korttidsopphald vert tildelt etter søknad frå deg eller pårørande/verge med fullmakt. For søkjar/pasient som ligg i spesialisthelsetenesta må det vera gitt samtykke av deg eller pårørande/verge med fullmakt. Det vert gjort ei helse- og omsorgsfagleg vurdering av behov på bakgrunn av søknad/helseopplysningar og funksjonskartlegging:

• Auka omfang av andre helse- og omsorgstenester skal vera forsøkt og vurdert som ikkje tilstrekkeleg.
• Du må bu eller opphalda deg i kommunen

Forventningar til tenestemottakar

• Du tek del i daglege behandlingsaktivitetar
• Du har sjølv ansvar for personlege eigendelar og kontantar
• Pårørande blir oppfordra om å følgje ved undersøking, behandling og timeavtalar utanfor institusjonen
• Pårørande vert oppfordra til å bidra med sosialt samvær og aktivitetar
• Det er ønskjeleg at pårørande, i den grad det er mogleg, vaskar personleg tøy

Praktiske opplysningar

Det vert gjennomført innkomstsamtale for å klargjera mål og innhald for opphaldet. Lengda på opphaldet vert vurdert kontinuerleg og etter i kva grad mål for opphaldet er nådd.

Eigenbetaling

Det er eigenbetaling for tenesta, men opphald gitt som augeblikkeleg hjelp medfører ikkje eigenbetaling.

Lovgrunnlag

• Helse- og omsorgstenestelova, §§ 1-1, 3-1, 3-2 og 3-6 nr. 2
• Pasient- og brukarrettslova, § 2-1e

Du kan klaga på vedtaket

• Pasient og brukarrettslova, § 7-2

Formål

Korttidsopphald skal sikra omfattande tilsyn og hjelp til innbyggjar i ei tidsavgrensa periode der hjelpebehovet ikkje kan ivaretakast heime

Målgruppe

Pasientar som treng tidsavgrensa opphald i institusjon for vidare behandling etter sjukehusopphald, eller oppretthalda/betra sitt funksjonsnivå eller helsetilstand

Skildring

Korttidsopphald er eit tidsavgrensa opphald i institusjon som vert innvilga til innbyggjar for ein kortare periode. Tenesta er for personar som har behov for omfattande helse og omsorgstenester heile døgnet:

• For utskrivingsklare pasientar frå sjukehuset eller frå heimen med behov for tidsavgrensa opphald heile døgeret, med oppfølging etter funksjonssvikt eller kronisk sjukdom.
• Smerte- og symptomlindring for alvorleg sjuke med kort forventa levetid, og som treng smerte- og symptomlindring utover det ein vanleg sjukeheimsavdeling eller heimesjukepleie kan gi.
• Rehabilitering for å vinna tilbake funksjon etter sjukdomsforløp
• Augeblikkeleg hjelp/døgnopphald, tildelt av lege i samsvar med kriteria i avtale med Helse Bergen

Kriterium og vurdering

Korttidsopphald vert tildelt etter søknad frå deg eller pårørande/verge med fullmakt. For søkjar/pasient som ligg i spesialisthelsetenesta må det vera gitt samtykke av deg eller pårørande/verge med fullmakt. Det vert gjort ei helse- og omsorgsfagleg vurdering av behov på bakgrunn av søknad/helseopplysningar og funksjonskartlegging:

• Auka omfang av andre helse- og omsorgstenester skal vera forsøkt og vurdert som ikkje tilstrekkeleg.
• Du må bu eller opphalda deg i kommunen

Forventningar til tenestemottakar

• Du tek del i daglege behandlingsaktivitetar
• Du har sjølv ansvar for personlege eigendelar og kontantar
• Pårørande blir oppfordra om å følgje ved undersøking, behandling og timeavtalar utanfor institusjonen
• Pårørande vert oppfordra til å bidra med sosialt samvær og aktivitetar
• Det er ønskjeleg at pårørande, i den grad det er mogleg, vaskar personleg tøy

Praktiske opplysningar

Det vert gjennomført innkomstsamtale for å klargjera mål og innhald for opphaldet. Lengda på opphaldet vert vurdert kontinuerleg og etter i kva grad mål for opphaldet er nådd.

Eigenbetaling

Det er eigenbetaling for tenesta, men opphald gitt som augeblikkeleg hjelp medfører ikkje eigenbetaling.

Lovgrunnlag

• Helse- og omsorgstenestelova, §§ 1-1, 3-1, 3-2 og 3-6 nr. 2
• Pasient- og brukarrettslova, § 2-1e

Du kan klaga på vedtaket

• Pasient og brukarrettslova, § 7-2

Formål

Langtidsopphald skal sikra omfattande døgnkontinuerleg pleie- og omsorgsbehov som ikkje kan ivaretakast i eigen heim eller tilpassa bustad.

Målgruppe

Innbyggjarar med behov for varig og omfattande helse- og omsorgstenester av eit slikt omfang at langtidsopphald i institusjon er einaste tilbod som kan sikra faglege og forsvarlege tenester.

Langtidsopphald i sjukeheim skal helst vera eit tilbod til eldre. For yngre personar skal det søkjast å etablera eit alternativt tilbod i eigen heim (til dømes omsorgsbustad, bukollektiv eller liknande).

Skildring

Langtidsopphald er eit tilbod til deg som har eit varig behov for helsehjelp gjennom heile døgeret. Du får rom med bad og delar fellesareal med dei andre bebuarane i avdelinga. Helsepersonell er til stades heile døgeret og følgjer opp helsetilstanden i samarbeid med sjukeheimlege

Langtidsopphaldet består av individuell oppfølging med utgangspunkt i ressursane dine, som til dømes:

• rettleiing
• støtte og hjelp til å gjennomføra eigenomsorg
• hjelp til ernæring og personleg stell
• medisinsk oppfølging og behandling av tverrfagleg team
• tilrettelegging for sosial aktivitet
• Kommunen har institusjonar med ulike tilbod.

Kriterium og vurdering

Langtidsopphald vert tildelt etter søknad frå deg eller pårørande/verge (samtykke). I dialog med deg vil vi kartleggja fysisk og psykisk funksjonsevne og dine behov og ynskje:

• Behov for varig og omfattande helse-/funksjonssvikt fysisk, mentalt eller kognitivt
• Vedtak om langtidsopphald vert gitt når andre tilbod er vurdert som ikkje å vera tilstrekkeleg for å dekke ditt behov for tenester

Nedanfor finn du døme som skal vera vurderte og/eller utprøvd før mogleg tildeling av langtidsopphald:

• Tryggleiksalarm, velferdsteknologi i heimen mm
• Tilrettelegging av bustad, eventuelt omsorgsbustad med tilbod om hjelp frå heimetenester gjennom døgnet
• Dagsenter
• Rullering av korttidsopphold/avlasting
• Medisinsk utgreiing
• Støttekontakt, omsorgsstønad

Ved tildelt plass, dersom ønskje ikkje er oppfylt, kan du eventuelt søkja om byte av plass.

Praktiske opplysningar

Inntaksnemnda fattar vedtak om opphald. Langtidsopphald kan verta tildelt ved ein sjukeheim eller ein bustad med heildøgns teneste. Du får tildelt plass der det er ledig i kommunen. Du kan søkja om overføring til annan institusjon.

Innbyggjar som ikkje lenger har tilknyting (gjenlevande ektefelle/sambuar/barn) til eigen bustad, må melda flytting til sjukeheim/institusjon.

Pårørande blir så langt som mogleg bedne om å følgja til undersøking, behandling og timeavtalar utanfor institusjonen. Pårørande vert oppfordra til å bidra med sosialt samvær og aktivitetar.

Eigenbetaling

Ved langtidsopphald sjukeheim vert eigenbetaling for langtidsplass rekna ut frå grunnpensjonen frå folketrygda og anna inntekt.

Ved langtidsopphold omsorgsbustad med heildøgnsbemanning vert praktisk bistand/helsehjelp rekna ut frå grunnpensjonen frå folketrygda og anna inntekt.

Lovgrunnlag

• Helse- og omsorgstenestelova, §§ 1-1, 3-1, 3-2 og 3-6
• Pasient- og brukarrettslova, § 2-1e

Du kan klaga på vedtaket

• Pasient og brukarrettslova, § 7-2

Formål

Langtidsopphald skal sikra omfattande døgnkontinuerleg pleie- og omsorgsbehov som ikkje kan ivaretakast i eigen heim eller tilpassa bustad.

Målgruppe

Innbyggjarar med behov for varig og omfattande helse- og omsorgstenester av eit slikt omfang at langtidsopphald i institusjon er einaste tilbod som kan sikra faglege og forsvarlege tenester.

Langtidsopphald i sjukeheim skal helst vera eit tilbod til eldre. For yngre personar skal det søkjast å etablera eit alternativt tilbod i eigen heim (til dømes omsorgsbustad, bukollektiv eller liknande).

Skildring

Langtidsopphald er eit tilbod til deg som har eit varig behov for helsehjelp gjennom heile døgeret. Du får rom med bad og delar fellesareal med dei andre bebuarane i avdelinga. Helsepersonell er til stades heile døgeret og følgjer opp helsetilstanden i samarbeid med sjukeheimlege

Langtidsopphaldet består av individuell oppfølging med utgangspunkt i ressursane dine, som til dømes:

• rettleiing
• støtte og hjelp til å gjennomføra eigenomsorg
• hjelp til ernæring og personleg stell
• medisinsk oppfølging og behandling av tverrfagleg team
• tilrettelegging for sosial aktivitet

Kommunen har institusjonar med ulike tilbod.

Kriterium og vurdering

Langtidsopphald vert tildelt etter søknad frå deg eller pårørande/verge (samtykke). I dialog med deg vil vi kartleggja fysisk og psykisk funksjonsevne og dine behov og ynskje:

• Behov for varig og omfattande helse-/funksjonssvikt fysisk, mentalt eller kognitivt
• Vedtak om langtidsopphald vert gitt når andre tilbod er vurdert som ikkje å vera tilstrekkeleg for å dekke ditt behov for tenester

Nedanfor finn du døme som skal vera vurderte og/eller utprøvd før mogleg tildeling av langtidsopphald:

• Tryggleiksalarm, velferdsteknologi i heimen mm
• Tilrettelegging av bustad, eventuelt omsorgsbustad med tilbod om hjelp frå heimetenester gjennom døgnet
• Dagsenter
• Rullering av korttidsopphold/avlasting
• Medisinsk utgreiing
• Støttekontakt, omsorgsstønad

Ved tildelt plass, dersom ønskje ikkje er oppfylt, kan du eventuelt søkja om byte av plass.

Praktiske opplysningar

Inntaksnemnda fattar vedtak om opphald. Langtidsopphald kan verta tildelt ved ein sjukeheim eller ein bustad med heildøgns teneste. Du får tildelt plass der det er ledig i kommunen. Du kan søkja om overføring til annan institusjon.

Det er ikkje krav om å melde flytting til institusjonane, men for innbyggjar som ikkje lenger har tilknyting (gjenlevande ektefelle/sambuar/barn) til eigen bustad, er det ønskjeleg at flytting er meldt med tanke på postgang.

Pårørande blir så langt som mogleg bedne om å følgja til undersøking, behandling og timeavtalar utanfor institusjonen. Pårørande vert oppfordra til å bidra med sosialt samvær og aktivitetar.

Eigenbetaling

Ved langtidsopphald sjukeheim vert eigenbetaling for langtidsplass rekna ut frå grunnpensjonen frå folketrygda og anna inntekt.

Ved langtidsopphold omsorgsbustad med heildøgnsbemanning vert praktisk bistand/helsehjelp rekna ut frå grunnpensjonen frå folketrygda og anna inntekt.

Lovgrunnlag

• Helse- og omsorgstenestelova, §§ 1-1, 3-1, 3-2 og 3-6
• Pasient- og brukarrettslova, § 2-1e

Du kan klaga på vedtaket

• Pasient og brukarrettslova, § 7-2

Formål

Omsorgsstønad skal bidra til at personar med langvarige og omfattande hjelpebehov får dekt sitt behov gjennom tenester gitt av privat omsorgsytarar

Målgruppe

Familiar der ein person er hjelpetrengjande, og pårørande eller andre nærståande gir omsorg. Ordninga med omsorgsstønad kan til dømes gjelda ektefelle/sambuar til omsorgstrengjande eller foreldre med omsorgsplikt for mindreårige . Tenestemottakar må ha eit særleg omsorgsbehov utover kva ein kan forventa av omsorgsytar

Skildring

Omsorgsstønad er økonomisk stønad til personar som har eit særleg tyngjande omsorgsarbeid over tid. Det er inga aldersgrense for kven som kan få innvilga omsorgsstønad.

Søknad om omsorgsstønad vert behandla individuelt basert på ei samla vurdering. I dialog med søkjar avgjer kommunen omfang av omsorgsstønad, eller om tenestebehovet kan dekkjast på annan måte, eventuelt saman med andre tiltak.

Kriterium og vurdering

Både den som gjev og den som treng omsorg har rett til å søke om omsorgsstønad. Eventuell stønad blir gitt til den som har omsorgsarbeidet, og gjeld berre der brukar er busett og oppheld seg i eigen heim. Før du søkjer om omsorgsstønad, må den som har behov for omsorg ha sendt søknad om hjelpestønad til NAV. Omsorgsstønad kan bli gitt i staden for, eller saman med anna offentleg tenesteyting.

Til grunn for tildeling av omsorgsstønad ligg føresetnad om at :

• omsorgsarbeidet er særleg tyngjande og gjeld nødvendige omsorgsoppgåver
• omsorgsmottakar er kjend med og er samd i at omsorgsstønad vert gitt til omsorgsperson som kompensasjon for utført arbeid

I vurderingsarbeidet nyttar kommunen eit skjema som skildrar behovet for bistand gjennom eit heilt døger. Omsorgsstønad vert gjeve uavhengig av økonomien til søkjaren. Kommunen kan ta omsyn til hjelpestønad ved tildeling og utmåling av omsorgsstønad. Hjelpestønad vert gjeve til den hjelpetrengjande, omsorgsstønad går til omsorgsgjevaren.

Forventningar til tenestemottakar

Du gjer beskjed til kommunen dersom behovet for tenesta endrar seg eller tar slutt.

Praktiske opplysningar

Før du søkjer om omsorgsstønad, må den som har behov for omsorg senda søknad om hjelpestønad til NAV.

Lovgrunnlag

• Helse- og omsorgstenestelova, § 3-6
• Pasient- og brukarrettslova, § 2-1 a andre ledd, § 2-8

Du kan klaga på vedtaket

• Pasient og brukarrettslova, § 7-2

Formål

Praktisk bistand (heimehjelp) er eit tilbod om hjelp til varierte praktiske gjeremål for å bidra til at du kan bu lengst mogleg i eigen heim.

Målgruppe

Innbyggjarar med særlege hjelpebehov som på grunn av sjukdom, nedsett funksjonsevne eller andre årsaker ikkje kan ta omsorg for seg sjølv, og som er heilt avhengig av praktisk eller personleg hjelp for å greia daglege gjeremål.

Skildring

Tenesta skal syta for å leggja til rette for hjelp til reinhald for alle som på grunn av akutt eller kronisk helsesvikt og/eller funksjonsnedsetjing ikkje meistrar praktiske gjeremål, og som er heilt ute av stand til å utføra dette på eiga hand.

Tenesta vert utført etter behov

• Reingjering av rom som er i dagleg bruk, til dømes golvvask, støvsuging, støvtørking, vask av bad/wc
• Vask av kjøkkenbenk, komfyr. Bruk av oppvaskmaskin
• Ta ut boss frå kjøkken/bad
• Sengeskift og klesvask
• Hjelp med å bestilla matvarer
• Tenesta blir gitt uavhengig av buform og vanlegvis kvar 3. veke.

Kriterium og vurdering

Tenesta vert tildelt etter søknad frå deg eller pårørande/verge (samtykke). I dialog med deg vil vi kartleggja behov for hjelp til praktiske gjeremål med individuell vurdering av blant anna

• Omfang av hjelpebehov 
• Fallfare ved utøving av praktiske gjeremål
• Bruk av forflyttingshjelpemiddel
• Auka helseutfordringar som resultat av gjeremåla
• Medisinske opplysningar frå fastlege/spesialisthelseteneste 

Det vert vurdert om oppgåvene kan utførast ved bruk av hjelpemiddel eller andre alternative løysingar, til dømes velferdsteknologi og robotstøvsugar. Det vert og vurdert om andre i husstanden kan dela på oppgåvene. Dersom det er nødvendig med utvask/nedvask, syter du for det før hjelpa vert sett i gang.

Forventningar til tenestemottakar

• Du gjer deg kjent med innhaldet i vedtaket og kva tenester du har fått tildelt
• Du syter for eit røykfritt arbeidsmiljø når helsepersonell er til stades, samt at husdyr blir halde i eit anna rom eller i band ute
• Du har formålstenleg støvsugar som er tenleg for oppgåva som skal utførast (unngå handhaldt støvsugar)
• Husværet må vera så ryddig som mogleg (heimehjelpa ryddar ikkje før utføring av tildelte tenester)
• Du er heime når tenesteutførar kjem. Er du forhindra, gjev du oss beskjed innan kl. 14 dagen før. Dersom vi ikkje får beskjed, må du likevel betala for tenesta (gjeld ikkje ved akutt innlegging).

Tenesta omfattar ikkje

• Hjelp til oppgåver du kan utføra sjølv, enten sjølvstendig eller med hjelpemiddel
• Følgje/transport og ærend utanfor heimen
• Hjelp med rekningar, bank- eller posttenester
• Oppgåver knytt til husdyrhald
• Middagslaging (vi kan varma opp ferdig tillaga mat)
• Omfattande reingjering og opprydding
• Vedlikehald hus/hage, flytting, reingjering fellesareal i burettslag/sameige, snørydding, bæring/hogging av ved, bosslevering

Praktiske opplysningar

Dersom tenesta ikkje vert nytta i ein periode på 60 dagar, vert vedtaket vurdert avslutta. Vi vil tilstreba mest mogleg kontinuitet i tenesta, men det må påreknast at det kjem fleire ulike personar for å stette ditt behov. Om det oppstår særskilte utfordringar vert dette søkt løyst gjennom dialog med deg. Det må påreknast at det i tillegg til fast personell kjem anna personell under opplæring. Vi utfører ikkje praktisk bistand på heilagdagar, planlagt hjelp vil då utgå eller bli gitt ein annan dag.

Eigenbetaling

Det er eigenbetaling for tenesta.

Lovgrunnlag

• Helse- og omsorgstenestelova, §§ 1-1, 3-1 og 3-2 
• Pasient- og brukarrettslova, § 2-1a 

Du kan klaga på vedtaket

• Pasient og brukarrettslova, § 7-2