Kva kan du søkja om?

Å tilpassa ein bustad inneber å gjera den eigna slik at du kan halda fram med å bu i bustaden, også dersom du eller eit heimebuande barn har nedsett funksjonsevne. Det blir gitt startlån berre til nødvendig utbetring av bustaden, ikkje til oppussing, eller normalt vedlikehald. 

Tilpassinga må vera hensiktsmessig og behovet for lånet blir vurdert i sin heilskap ut frå den økonomiske situasjonen for husstanden. 

Eksempel på kva du kan få startlån til:

• Betre tilkomst til bustaden 
• Tilpassa bad
• Fjerne tersklar
• Andre endringar som er nødvendig for å kunna bli buande i bustaden

Kven kan søkja?

• Menneske med funksjonsnedsettingar/foreldre til barn med funksjonsnedsettingar
• Eldre som ønskjer å utføra førebyggande tilpassingstiltak for å kunna bli buande heime
• Ektefelle, sambuarar og registrerte partnarar skal søkja saman. Ein kan ikkje søkja saman med venner eller andre familiemedlemmer

Korleis søkjer du?

Elektronisk ID

Har du BankID, Buypass eller Commfides? Då søkjer du enkelt ved å følga lenka nedanfor. Har du spørsmål undervegs kan du kontakta oss per telefon for hjelp. 

Søk om startlån og tilskot (elektronisk søknad)

Har du ikkje elektronisk ID må du kontakta kommunen for tilrettelagt søknad. Du treng då anten verge eller ein medhjelpar til å fylla ut søknad på dine vegner.