Godtgjersle for folkevalde - korleis senda krav til kommunen?

Folkevalde skal sjølv senda inn krav om godtgjersle.

Korleis føra krav om godtgjersle

Alle folkevalde skal senda inn krav om møtegodtgjersle og utlegg via kommunen sitt elektroniske system
Lenke til kommunen sitt elektroniske system (Visma Expense)

Rettleiing

Innlogging i Visma

Sjå video for korleis logga på Visma. net Expense:

Føra rekning

Vel «Meg selv» à «Reiseregning» à «start Expence»

Vel Kjørebok dersom du skal registrera bilkjøring, møtegodtgjersle og andre utlegg.
Tips: Lag ei «Kjørebok» for kvar månad der du fører alt for heile månaden
Vel Reise dersom du skal registrera reise med overnatting, transport og utlegg.
Fyll ut kjøring til og frå møter.

Under utlegg finn du mellom anna innlegging av møtegodtgjersle.

Når du har fylt inn alt hugs å trykkja «Send til godkjenning». Rekninga er då levert.

På nettsida til Lovdata.no finn du forskrift om folkevalde sine rettar til godtgjersle og velferdsgode

Møtegodtgjersle

Ordføraren si godtgjersle vert rekna ut frå stortingsrepresentantane si løn der eventuelle justeringar vert gjort gjeldande frå 1. mai.
Øygarden kommune si utmåling av godtgjersle, tek utgangspunkt i ordføraren si godtgjersle.

Møtegodgjerdsle for folkevalde (ordførar)
Verv	% del av stortingsgodtgjersla	Merknad
Ordførar	100 %	Godtgjersla skal dekka alle verv i kraft av ordførarvervet

Møtegodgjerdsle for andre folkevalde
Verv	% del av stortingsgodtgjersla	Merknad
Varaordførar	70	100% fast nærvær, dette inkludererer alt arbeid knytt til vervet i kommunen. Inkluderer teneste som fungerande ordførar ved behov t.d. ved ferie, sjukdom inntil 30 dagar og liknande.
Leiar i Plan- og miljøutvalet Levekårsutvalet Kommuneplanutvalet	30	Skal dekke all politisk aktivitet knytt til rolla
Nestleiar i Plan- og miljøutvalet Levekårsutvalet Kommuneplanutvalet	15	Skal dekke all politisk aktivitet knytt til rolla
Medlemmer i Plan- og miljøutvalet Levekårsutvalet Kommuneplanutvalet	6	Ikkje møtegodtgjersle i tillegg til fast godtgjersle
Leiar - Kontrollutval	8	Ikkje møtegodtgjersle i tillegg til fast godtgjersle
Styreleiar kommunale føretak	5	Ikkje møtegodtgjersle i tillegg til fast godtgjersle
Medlemer - Formannskapet	10	Ikkje møtegodtgjersle i tillegg til fast godtgjersle
Gruppeleiarar		Kommunestyregruppa:
	2	- 1-4 medlemer
	3	- 5-10 medlemer
	4	- Over 10 medlemer
		Uavhengige får ikkje tilskot som gruppeleiar

Møtegodtgjersle per møte

Møtegodtgjersle for møtande representantar og varamedlemer i kommunale organ oppretta etter kommunelova § 5-1 og § 5-2, vert utbetalt for kvar møtedag i same organ etter lista under.

Det vert gjeve møtegodtgjersle for inntil to ulike utvalsmøte pr. dag.

Gruppe A - kr. 3513

Gruppe B - kr. 2342

Gruppe C - kr. 1171

Saksordførar
Eldrerådet - Møtande medlemer/varamedlemer
Rådet for personar med funksjonsnedsetjing - Møtande medlemer/varamedlemer
Ungdomsrådet - Møtande medlemer/varamedlemer
Administrasjonsutvalet (folkevalde) - Møtande medlemer/varamedlemer
Valutvalet - Møtande medlemer/varamedlemer
Samarbeidsutvala ved skulane - Kommunale representantar
Arbeidsutval og utgreiingsnemnder - Møtande medlemer/varamedlemer
Leiarar i møta i gruppe C – Dobbel møtegodtgjersle
Brukarråd – Møtande medlemer/varamedlemer
Vigslarar (pr. vigsel) - Vigsel som fell på måndag til fredag

Kurs og konferansar

Folkevalde som etter innkalling deltek på møter i kommunal regi (informasjonsmøte, opplæring, konferansar, temamøte m. m.) får ei møtegodtgjersle (for si gruppe) pr møte/kurs/samling. Det vert ikkje betalt godtgjersle etter dette punktet om opplæringa er i samband med eit ordinært utvalsmøte. Medlemer i utval med fast godtgjersle får ikkje møtegodtgjersle etter dette punktet.

Utmåling av utgifter og økonomisk tap

Jamfør kommunelova § 8-3 - Folkevalde har krav på dekking av utgifter og økonomisk tap etter § 3 slik:

Utmåling av utgifter og økonomisk tap
Type inntektstap	Merknad	I kroner
Meirutgifter til skyss-, kost- og overnatting, bokstav a	Til ei kvar tid gjeldande satsar i kommunen sitt reiseregulativ.	0
Dekking av utgifter, bokstav b	Vert godtgjort etter rekning. Kravet skal attesterast av sted fortredar, barnepassar eller annan tilsynsperson.	Opptil 0,075% - kr 878 pr møte
Dokumentert tap av arbeidsinntekt – lønsmottakar, bokstav c	Rekna etter 7,5 time pr dag. Arbeidsgjevar må dokumentera lønstrekket.	Inntil 0,4% (+ sosiale utgifter) – kr 4.684 pr dag
Dokumentert tap av arbeidsinntekt – sjølvstendig næringsdrivande, bokstav c	Rekna etter 7.5 time pr dag. Dokumenterast med likningsattest og frå eigenmelding som sannsynleggjer kravet.	Inntil 0,4% - kr 4.684 pr dag
Ikkje dokumentert tap, bokstav c	Rekna etter 7,5 time pr dag. Tapet skal sannsynleggjerast.	Inntil 0,13% - kr 1.522 pr dag

Godtgjersle for tap av inntekt vert berre gitt til dei som faktisk har eit tap i inntekt. Tap av fritid vert ikkje erstatta.

Tapt arbeidsforteneste bør dekkast ved at kommunen oppmodar folkevalde sine arbeidsgjevarar til å fakturere kommunen direkte for fråvær, for å hindre at folkevalde tapar pensjon. Den folkevalde fyller ut skjema som fakturagrunnlag som vert sendt til arbeidsgjevar etter avtale.

Personar som går i mindre enn full stilling eller går i turnus/skiftarbeid, får tapt arbeidsforteneste etter minstesats dersom eit møte fell på ein fridag.

Utbetaling

Kommunen har lønsutbetaling den 12. i kvar månad. Rekninga må sendast innan 1. i kvar månad for å vera sikker på at den kjem til utbetaling påfølgande utbetaling.

Sist endra 09.04.2025 15.22