• Den årlege undervisninga for Øygarden kulturskule følgjer eiga skulerute, som er på 38 veker og kan avvika noko i detalj frå skuleruta på den enkelte grunnskulen. Undervisninga føregår til vanleg måndag–fredag, men kan i somme høve bli lagt som helgeseminar. Undervisningsåret er delt i to semester, eit haust- og eit vårsemester.
• Konsertar o.l. er ein del av undervisninga ved Øygarden kulturskule. Eleven har difor plikt til å delta på slike etter avtale med lærar.
• Dersom ein elev må vera borte frå skulen meir enn to undervisningstimar, skal eleven gje melding til kulturskulen.
• Ønsker eleven og/eller føresette å ta opp saker som vedkjem undervisninga, skal dette gå gjennom læraren først.
• Eleven har plikt til å møta presis og vera vel førebudd til timen.
• Eleven må til ei kvar tid retta seg etter det ordensreglementet som gjeld på den skulen der undervisninga finn stad.
• Enkeltundervisning varer i minimum 20 minutt i veka, medan gruppeundervisning varierer mellom 30 og 120 minutt pr veke.

Her finn du oversikt over våre tilbod

• Søknad om opptak skal sendast til Øygarden kulturskule på elektronisk søknadsskjema. Søkjarar kan få hjelp til dette på innbyggjartorg/bibliotek på Sartor Storsenter, Sund Senter eller Rong Senter. Øygarden kulturskule tek atterhald om at enkelte kurs kan falla ut.
• Dersom det er fleire søkjarar enn skulen kan ta opp, vert det teke omsyn til:
  - alder 
  - ansiennitet 
  - innsatsvilje
• Ein elevplass ved Øygarden kulturskule vert tildelt ein elev ved eitt kurs. Elevplassen kan ikkje overførast til ein annan person eller til eit anna kurs. Eleven kan då ha plassen inntil den vert oppsagt (sjå vidaremelding nedanfor).
• Dersom elev- og undervisningsreglement vert oversett, eller ein elev viser ei framferd som hindrar arbeidet i kulturskulen, kan rektor etter samråd med lærar utvisa eleven for kortare eller lengre tid. Kontingenten vert ikkje refundert for ein elev som er vorte utvist. Dei føresette skal på førehand få informasjon om saka, og dei har rett til å klaga avgjerda (forvaltningslova, kapittel VI).

For å overføra ein elevplass eller plass på ventelista til eit nytt skuleår må eleven meldast vidare. Det vert sendt ut e-postpåminning om dette (elektronisk lenke) om våren. Er eleven ikkje meldt vidare innan oppgitt frist, vert det oppfatta som oppseiing.

• Kontingent skal betalast på forskot. For å unngå å betala for ein ubrukt elevplass for vårhalvåret, må plassen seiast opp seinast 1. desember. Her finn du informasjon om pris og betaling.
• Elevane må sjølv kjøpa det materiellet dei får bruk for. Undervisning i større grupper som kor o.l. kan vere unnateke frå denne regelen.
• Dersom tvingande grunnar – t.d. flytting frå kommunen eller lengre sjukdom, dokumentert med legeattest – hindrar eleven i å møte til timane, kan ein søkja om å få refundert kontingent.
• Det vert ikkje gitt moderasjon i kontingent for fridagar, feriedagar og planleggingsdagar. Det vert heller ikkje gjeve moderasjon eller refusjon for timar som eleven ikkje brukar, og læraren er ikkje forplikta til å ta igjen slike timar.
• Dersom timar vert avlyste av Øygarden kulturskule, er skulen ikkje forplikta til å ta igjen desse timane. Timar som vert avlyste kan gje redusert kontingent dersom desse er fleire enn 2 gonger i halvåret.
• Når særlege grunnar tilseier det, kan rektor for Øygarden kulturskule innvilga heilt eller delvis gratis undervisning. Søknad om gratis undervisning skal sendast til Øygarden kulturskule, og vert behandla konfidensielt. Søknad må grunngjevast. Søknad må sendast så tidleg som mogleg for kvart skuleår, seinast 14 dagar etter oppstart. Avgjerda kan klagast (forvaltningslova, kapittel VI).
• Kommunestyret kan i samband med budsjettbehandlinga endra kontingentsatsane for andre halvår. Dei nye satsane vert kunngjorte på Øygarden kommune si nettside i januar, med ein frist på 15 dagar for å seie opp elevplassen.
• Manglande betaling vert behandla som oppseiing frå det tidspunktet den ubetalte fakturaen vert sendt til inkasso. Eleven misser plassen sin ved Øygarden kulturskule frå same tidspunkt.

Elevplassen kan berre seiast opp ved å senda skriftleg melding til Øygarden kulturskule. Dette kan sendast i elektronisk skjema eller per e-post. Melding til lærar er ikkje gyldig oppseiing. Oppseiing er gyldig når den er stadfest skriftleg av Øygarden kulturskule.

Hugs oppseiingsfristar for å sleppa å betala faktura for kommande halvår: 1. juni for hausthalvåret og 1. desember for vårhalvåret.