TakkØygarden

TakkØygarden er ein tredelt kampanje, med både fokus på det å hanlde, byggje og trene i Øygarden. På grunn av Covid-19 vart året 2020 eit krevande år for mange i verksemder. Difor valgte Øygarden Kommune å sette i gong kampanjen TakkØygarden, som i løpet av 2020 og 2021 har utvikla seg ut i frå behovet i næringslivet.

Svært mange lokale butikkar og bedrifter har vore gjennom tronge månader, og verkeleg fått kjenna på koronakrisa. No ber vi innbyggjarane om å hjelpe bedriftene opp igjen.

I lokal tiltakspakke fase 1 blei det i formannskapet i Øygarden kommune 16. april vedteke 11 tiltak. Eit av tiltaka var:

«Planleggja og gjennomføra haldningskampanje for å få innbyggjarar til å handle lokalt»

19. mai blei kampanjen lansert på tre stader i Øygarden: Kommunesenteret Straume og dei to kommunedelsentra Skogsskiftet og Rong.

Svært mange arbeidsplassar, kanskje så mange som 2000 (1300 berre på Sartor) av 14 378 sysselsette i Øygarden jobbar i butikk. Dei fleste av desse har hatt nokre tøffe månader bak seg med stenging p.g.a. smittefare.

Næringslivet elles har også fått seg ein alvorleg knekk i koronakrisa. Kan bedriftene hjelpa kvarandre oppatt? Kan ulike bransjar nytta kvarandre? Vi trur det. Ved å bruka kvarandre løftar ein kvarandre. Haldningskampanjen handlar også om at bedrifter blir oppmoda om å handla varer og tenester av andre bedrifter i Øygarden.

Målet med kampanjen er å:

Berge/ta vare på arbeidsplassar
Oppretthalde utvalet av varer og tenester
Gjere innbyggjarane medvitne om:
- Dei positive ringverknadene av å handla lokalt
- Handlar du på nett i utlandet støttar du arbeidsplassane der
- Vil du ha eit godt utval av bedrifter og butikkar i framtida, så må vi bruke dei no
- Butikkar og lokale firma treng oss meir enn nokon gong