Foreldra får tilbod om minimum to foreldresamtalar i løpet av året, i tillegg til ein startsamtale i løpet av tilvenningstida i barnehagen. Foreldremøte har vi ein til to gongar kvart barnehageår. Og samarbeidsutvalet har faste møter 2 gongar i året. Ein felles sommarfest i juni kvart år.

Frå kvar avdeling blir det kvar månad skreve eit månadsskriv og ein månadsplan. På tavla i garderoben vil de få info i tekst og bilete om kva som har skjedd i barnehagen. Anna info blir sendt pr epost, eller lagt i hylla til kvart barn.

Fortel barnet ditt noko heime, eller du erfarer noko som uroar deg, skal du alltid bli tatt på alvor: «Eg er glad for at du gir beskjed. Eg skal sjekke opp i dette, og du skal få ei tilbakemelding».

Dei som kjem seinare enn 8.30 må ha ete frukost heime. Det er ynskjeleg at foreldra seier frå til oss, dersom barna er sjuke, skal ha fri eller av ulike grunnar vil koma etter klokka 10.

I Tussetjødna barnehage har vi fokus på eit sunt og variert kosthald. Det blir dagleg servert frukost, lunsj og frukt/grønsakmåltid. Det er ei medveten haldning frå barnehagen si side at måltida skal vera sunne og næringsrike. Fødselsdagar vert feira med frukt i ulike variantar eller som fruktsmoothies (fruktdrikk). For tida betaler føresette kr 250,- i kostpengar per månad.

Måltidene blir eit naturleg samlingspunkt med fokus på fellesskap og gode haldningar rundt bordsituasjonen. Vi syng bordvers som ein fellesstart på måltida. Barna får vera med å velje pålegg og dei eldste er også med i tilberedinga av måltida, og får også sjølve smøre sin mat. 

På småbarnsavdlingane søv dei fleste, yngste barna, i tida mellom 11.15 og 14.00.  Barna har då med eiga vogn, og det dei treng for å sove godt der. Ved tilvenning vil dette vera eit av temaene som vert tatt opp, og vi i Tussetjødna barnehage har stort fokus på å leggja til rette for at barna skal få den kvilen dei treng gjennom dagen.

På Bjørnehiet, der dei eldste barna er, har dei kvilestund rett etter lunsj, og til tider også før frukt. Dei vurderer dette individuelt, ut ifrå barnas behov, men om barna uttrykker behov for kvile, får dei liggje på ei madrass og slappe av.

Når eit barn har bursdag, vert dette feira på eiga avdeling, og oftast i eiga gruppe. Barna får sitte på ein «kongestol», dei får velje song og ulike leikar og vi samtaler om bursdagen i samlingen. Det heile vert avslutta med frukt i ulike variantar, fruktsmoothies (fruktdrikk), eller fruktsalat.  

• Alle barn må vaske nevane når dei kjem i barnehagen
• Vi har rutiner på handvask før kvart måltid, etter toalettbesøk og når ein kjem inn etter uteleik.
• Personalet har rutiner på vask av bord og stolar etter alle  måltid og anna aktivitet der det trengs. Toaletta vert også sprita og tørka over minimum eit par gongar om dagen, i tillegg til det som reinhaldar gjer etter stengetid.
• Dersom barnet ditt har noko allergi eller andre ting vi må ta forhandsreglar for, må vi få beskjed om det.

Sjuke barn skal ikkje vera i barnehagen, dei har det best heime. Barnet kan vere i barnehagen når det er så opplagt at det orkar å delta i dei vanlege aktivitetane. Barnet si allmentilstand er sentral. Viktig med open dialog med dei tilsette om de skulle vere usikker. Elles er feber og oppkast indikatorar som tilseie at barnet ikkje skal vere i barnehagen.

Dersom barnet treng medisin i etterkant av sjukdom, eller ved andre høve, så kan barnehagen vere behjelpeleg med dette. De må då fylle ut medisinskjema som de får i barnehagen. Gje personalet fullmakt og informasjon ift å gje medisin.

Her finn du informasjon om når barnet må vera heime frå barnehagen

Det er ein del foreldre som ikkje ønskjer at bilete av deira barn skal bli lagt ut på internett/sosiale medium. Tar foreldre bilete av andre barn enn sine eigne skal bileta ikkje leggast ut på internett utan samtykke av foreldre. (viser til Datatilsynet).

Barnehagen ønskjer ikkje å ta ansvar for at bilete skal kome på avveige.

Barnehagen har fem planleggingsdagar i løpet av eit barnehageår. Då er barnehagen stengt for barn. Desse dagane vert nytta i barnehagen, – for heile personalgruppa – til felles og gruppevise drøftingar, planlegging og vurdering av arbeidet vårt. Av og til brukar vi planleggingsdagen til aktuelle kurs.

Her finn du oversikt over ferie og fridagar

Barnehagane har open heile sommaren. Kommunen tek betaling for 11 månader. Alle barn skal difor avvikle minst 4 veker ferie i løpet av året. Tre av ferievekene må avviklast samanhengande i tida 15.juni til 15.august og må meldast på førehand innan 15. april. Den 4. ferieveka bør avviklast samanhengande og skal meldast to veker på førehand.

Barnehagen følgjer statlege satsar for makspris på foreldrebetaling. I tillegg betalar foreldra matpengar; Pr. d.d. er det kr 250,- pr mnd.

Foreldra blir fakturert for kr 250  viss barnet blir henta for seint i barnehagen. Første gongen blir det gitt ei påminning. Skjer det fleire gongar vil tillegget bli lagt på neste foreldrebetaling. Ved større trafikale problem som rammer (lammer) store deler av regionen, vil det ikkje bli gitt ekstra fakturering. Juli er betalingsfri.

Pris for barnehageplass | Redusert foreldrebetaling

Barna må ha to ekstra sett med kleskift (inneklede) i barnehagen. I tillegg skal dei ha uteklede tilpassa den årstida vi er i. Regnklede og støvlar skal alltid vere i barnehagen. Barna skal ha innesko / tøflar. Kvar fredag skal de ta med heim kjeledress og regnklede til vask. Er kleda reine eller ubrukt, skal de likevel ta dei med heim slik at reinhaldar får høve til ekstra vask i garderoben.

Vi ber om at alle klede og sko vert merka med barnet sitt namn. Ta ein kikk i hylla ein gong eller to i veka, for å sjekke om barnet har det han/ho treng. Elles er det slik at det barnet får heim i pose som er vått eller skittent, tar de med tilsvarande i retur neste dag.