Overgang barneskule - ungdomsskule
Å avslutte barneskulen og starte på ungdomsskulen, er ein av dei store overgangane i eit barns liv. Nokon gler seg, andre gruer seg og dei aller fleste gjer kanskje begge delar, gru-gler seg.
Vi ønskjer å lage ein god overgang mellom barneskule og ungdomsskule. Ein god overgang har mange element. Mykje av dette handlar om dei faktiske møtepunkta gjennom året. Møtepunkt kan vere mellom skulane, elev/føresette og evt PPT og (spesialist)helsetenesta. Viktig og relevant informasjon, til elevens beste, blir delt på desse møta. I «Årshjul for overgang barneskule-ungdomsskule» under finn du ei oversikt over slike møtepunkt.
Samhandlingsmodell
Vi nyttar verktøyet BTI – Betre Tverrfaglege Innsats. BTI er ein samhandlingsmodell for å sikre eit heilskapleg og samanhengande system for oppfølging og informasjon av barn/unge og deira familiar. I BTI vert det laga ein stafettlogg. Det er ikkje alle elevar i kommunen vår som har ein stafettlogg i BTI, men nokon har det. For desse elevane er det viktig at loggen og stafettpinnen føl eleven i overgangen frå barneskule til ungdomsskule.
Ein god overgang for elevane
Handlar og om at barneskulen og ungdomsskulen har gjensidig forståing og kunnskap om kvarandre. Å ha kunnskap om kvarandre sine undervisningsmåtar, kompetansemål og korleis undervegsvurderinga blir gjort, kan gjere overgangen for elevane betre. Kulturmøte blir dette ofte kalla. Slike kulturmøter kan illustrerast ved «Samhandlingstrappa». Samhandlingstrappa viser korleis barne- og ungdomsskulen gjennom det å dele informasjon, freiste å sjå likt på kva som er utfordringane (eller potensiale), jobbe saman mot felles mål - saman kan utvikle ei gjennomgåande og felles plan for eleven gjennom småtrinnet, mellomtrinnet og vidare opp i ungdomsskulen.
Årshjul
Aktivitet
- Dei nye 8.klassingane har første skuledag åleine på skulen.
- Kontaktlærar ringer heim til alle føresette og sjekkar korleis det går. Alle heimar er kontakta innan 15.09.
Ansvar: Ungdomsskulen og kontaktlærar 8. trinn
Aktivitet
Fjerne deltakarar frå barneskulen i E- IOP for elevar med rett til spesialundervisning og legge til korrekte deltakarar frå ungdomsskulen. Legg og til kontaktperson frå PPT.
Ansvar: Ungdomsskulen v/spes.ped.koor-avd.leiar.
Aktivitet
Informasjon til ungdomsskulen om elever som har store tilretteleggingsbehov (meir enn 50% ekstra tilsett ressurs) for neste skuleår. Behov for å tilsette personale med spesialkompetanse? Behov for ombygging?
Alt etter situasjonen til eleven, avgjer barneskulen om det er nok med ein telefon eller om det skal kallast inn til eit møte med eleven/føresette og aktuelle deltakarar frå skule, helse, barnevernstenesta.
Ansvar: Barneskulen
Aktivitet
- Informasjon om elevar på 7. trinn som treng spesialpedagogisk hjelp etter §5.1 eller §2.1,f fjerde ledd i Opplæringslova. Dette kan og gjelde elevar som har vedtak etter §2.8 i Opplæringslova. Informasjon kan bli gitt med telefon dersom det er føremålstenleg. Møte dersom det er behov for det.
- Pedagogisk rapport for elevar på 7.trinn som skal ha revurdering av retten til spesialpedagogisk hjelp etter Opplæringslova §5.1 eller §2.1, 4.ledd. Denne skal sendast til PPT Øygarden innan 31.desember. PPT gjer så ei revurdering av retten til spesialpedagogisk undervisning.
Ansvar: Barneskulen
Aktivitet
Overføringsmøter for dei elevane som vil trenge eigne møter der elev/føresette, barneskule og ungdomsskule er med. Dette kan gjelde elevar med tilråding etter §5.1, § 2.1 fjerde ledd, og §2.8 i Opplæringslova. Men det kan og gjelde andre elevar. Barneskulen avgjer kva elevar som det er behov for møter om på dette tidspunktet (januar og februar). Barneskulen vurderer om elevar med stafettlogg i BTI treng møte på dette tidspunktet. Andre aktuelle deltakarar er repr frå helse, PPT, barnevernstenesta.
Ansvar: Barneskulen set tidspunkt og kallar inn
Aktivitet
Revurdering av rett til spesialundervisning §5.1. PPT startar på desse revurderingane i januar. Dei vil vere ferdige ut over våren. Elevar frå 7. kl til 8. klasse har prioritet.
Ansvar: PPT
Aktivitet
Overføringsmøter for dei elevane som vil trenge eigne møter der elev/føresette, barneskule og ungdomsskule er med. Dette kan gjelde elevar med tilråding etter §5.1, § 2.1 fjerde ledd, og §2.8 i Opplæringslova. Men det kan og gjelde andre elevar. Barneskulen avgjer kva elevar som det er behov for møter om på dette tidspunktet (januar og februar). Barneskulen vurderer om elevar med stafettlogg i BTI treng møte på dette tidspunktet Andre aktuelle deltakarar er repr frå helse, PPT, barnevernstenesta.
Ansvar: Barneskulen set tidspunkt og kallar inn
Aktivitet
Elevar med særskilt behov for trygging får besøke ungdomsskulen.
Ansvar: Barneskulen melder til ungdomsskulen om kva elevar dette gjeld og det blir laga ein besøksplan i samarbeid. Denne planen gjeld våren og fram mot sommarferien.
Aktivitet
- Ordinære overføringsmøter
- Vurdering av evt tilbod i UFO (sfo -tilbod ungdomsskule) vert drøfta og vurdert i ansvarsgruppe. Om det er behov skal dette meldast til Helse og velferd
Ansvar: Ungdomsskulen set tidspunkt og informerer barneskulen. Barneskulen i samarbeid med ansvarsgruppa for
aktuelle elevar.
Aktivitet
Ferdig utfylt overføringsskjema for kvar elev med til ordinære overføringsmøter. Link til overføringsskjema.
Ansvar: Barneskulen
Aktivitet
Ordinære overføringsmøter.
Ansvar: Ungdomsskulen set tidspunkt og informerer barneskulen.
Aktivitet
- Ferdig utfylt overføringsskjema for kvar elev med til ordinære overføringsmøter. Link til overføringsskjema
- Framlegg til kva elevar som bør eller ikkje bør gå i same klasse på ungdomsskulen. Barneskulen set elevar saman i grupper på 4-5 elevar. Eleven skal lyttast til og det skal takast omsyn til kva eleven sjølv meiner. Det endelege framlegget må vere gjort kjent for eleven og føresette i god tid før det blir levert til ungdomsskulen.
Ansvar: Barneskulen
Aktivitet
7.klassingane besøker ungdomsskulen.
Ansvar: Ungdomsskulen lagar plan for besøket, set tidspunkt og inviterer. Invitasjon er sendt ut innan 25.mai.
Aktivitet
Foreldremøte for foreldre til nye 8.klassingar.
Ansvar: Ungdomsskulen kallar inn
Aktivitet
Evaluering av måloppnåing i E-iop for elevar som har det – årsrapport etter spesialundervisning. Spes.ped.koor/avd.leiar på ungdomsskulen må leggast til som deltakar i planen.
Ansvar: Barneskulen v/spes.ped.koor-avd.leiar.
Nyttige lenkjer
Sist endra 30.11.2022 14.55