Kort om planen

I medhald med plan- og bygningsloven § 12-8 varslast det at Øygarden kommune går i gang med å utarbeide områderegulering for Stovevatnet. Forslag til planprogram for områdereguleringa kunngjerast med det same, og vert lagt ut til høyring og offentleg ettersyn i henhald til plan- og bygningslova § 12-9. Planprogrammet sett rammene for planarbeidet, og seier noko om utgreiingsbehov, planalternativ, organisering, framdrift og plan for medverknad. 

Formålet med planarbeidet er å legga til rette for eit nytt byggeareal på Stovevatnet med nærliggande areal. Stovevatnet vert fylt ut i samband med bygging av Sotrasambandet, og Straume får difor eit nytt utbyggingsareal i sentrum. I tillegg til utviklingsarealet på Stovevatnet er det tatt med nokre av dei tilgrensande areala som er naturlig å inkludera og ev. transformera i samband med utviklinga på Stovevatnet.

Tiltaket kjem inn under KU-forskrifta § 6 og § 8.

Plankart for Straume sentrum nord

Planstatus

I kommuneplanen sin arealdel er området avsett til offentlege formål, grøntformål, næringsvirksomhet, sentrumsformål mm. Området er også innafor kommunedelplan for Straume (planID 20060044) og er her i hovudsak avsatt til offentlege formål, grøntstruktur og senterområde.

Stovevatnet er i reguleringsplan for rv.555 Sotrasambandet (planID 20130001) regulert til grøntformål med bandleggingssone for framtidig utvikling.

Dokument i saka

Plandokument er tilgjengeleg i kommunen sitt planregister.

Saksgang

I denne fasen, kan ein sende inn merknad til oppstart av planarbeidet og høyringsinnspel til planprogrammet. Alle merknadar som vert sendt inn skal bli vurdert av kommunen. Etter at meldingsfristen er gått ut vil kommunen utarbeide eit planforslag som vert lagt ut til offentleg ettersyn i seks veker. Det vil då vera mogleg å koma med merknader til planframlegget før sluttbehandling.

Heile planprosessen kan du følgje via postlistene til Øygarden kommune. Søk etter saksnr. 24/20209.

Har du merknader til planarbeidet?

Spørsmål og merknad kan du sende til plankonsulent:

Øygarden kommune
Ternholmvegen 2,
5337 Rong
E-post: oyvind.tveit@øygarden.kommune.no eller postmottak@øygarden.kommune.no merket «24/20209» eller elektronisk høyringssvar

Frist for å komme med merknad og innspel er satt til: 07.02.2025.