Kort om planen og endringa

Området ligg langs fv. 5224 (Spildepollvegen), om lag 11 km sørvest for kommunedelsenteret Skogsskiftet. Endringa gjeld heile planområdet, og det er gitt ny planID (2024007) som synleggjer at planen er oppdatert i sin heilskap, og plannamnet er endra til «Detaljregulering for Spilde, gbnr. 141/17», slik at det vert nytta riktig gards- og bruksnummer.

Gjennom endringa er elt B4 og B5 i gjeldande plan regulert om til uteopphaldsareal, slik at ein unngjekk nedbygging av eit urørt naturområde. Det er i staden lagt til rette for ytterlegare fortetting innanfor felt KBA (felt B3 i gjeldande plan). Planområdet har også gjennom endringa blitt utvida og regulerer no del av fylkesvegen, slik at avkøyrsle til planområdet vert regulert. Planendringa inneber elles justering av føremålsgrenser og byggjegrenser, oppdatering av plankart og føresegner i tråd med plan- og bygningslova.

Dokument i saka

Plandokument er tilgjengeleg i det offentlege planregisteret til kommunen.

Klage

Eventuelle klagar kan bli sendt inn via:

• nettsida til kommunen
• e-post til: postmottak@oygarden.kommune.no
• Brevpost til Øygarden kommune, Ternholmvegen 2, 5337 Rong

Vi ber om at De ved all kontakt med oss gjev opp saka sitt referansenr. 224/14119.

Klagefrist er 18.07.2025.