Kva er tvangsliding (OCD)?

Tvangsliding inneber at ein er plaga av tilbakevendande uønskte tankar, bilde, eller impulsar som dukkar opp sjølv om ein skulle ønske at dei ikkje gjorde det. I tillegg til uønskte tankar har dei fleste tilhøyrande tvangshandlingar. Dette er handlingar som blir utført for å forhindra negative konsekvensar eller for å redusera ubehaget ein får av tvangstankane. Dei fleste menneske kan oppleva å ha tvangstankar, men for at det skal vera ei liding så må plagene knytt til tvangstankane, eller omfanget av tvangshandlingane vera så stort at det opplevast som eit hinder i kvardagen.

På nettsida til ANANKE finn du meir informasjon