Smittevernlege Bjørg Møllerløkken seier at det er vanskeleg å gje eit rettmessig bilete av smittesituasjonen ved å presentera daglege smittetal.

- Den siste tida har smittetala svinga til dels kraftig frå dag til dag ettersom det varierer kva tid vi får registrert dei positive testane. Ved å presentera ein vekerapport onsdag etter den aktuelle veka, vil vi få meir korrekte tal og eit betre bilete av smittesituasjonen, seier smittevernlegen.

I veke sju er det registrert totalt 1 858 personar med koronasmitte i Øygarden. Veka før var det påvist 2 245 smittetilfelle. Sidan mars 2020 har 10 466 personar frå Øygarden fått påvist smitte.

1 485 personar i Øygarden har teke koronatest (PCR) i sist veke (07). Veka før (06) var det
1 654 personar som tok PCR-test. I tillegg kjem sjølvtestar.

Pr. dato er 29 417 personar i Øygarden vaksinert med første dose. 27 239 personar har også fått dose to. 18 589 personar har teke dose tre (oppfriskingsdose).

Les meir her.