Tilpassa tilbod til barn med nedsett funksjonsevne
Barn med nedsett funksjonsevne skal ha høve til å delta i barnehagen på lik linje med andre barn. Barnehageloven sin § 2 set krav om at barnehagen skal tilpassa tilbodet sitt ut frå barnet sitt funksjonsnivå, og barnehageeigar har ansvar for at barn med nedsett funksjonsevne får eit tilpassa barnehagetilbod. Ansvaret er avgrensa til kva barnehagen kan gjere innafor dei ordinære rammene.
Vi skal sikre at barn med nedsett funksjonsevne får eit eigna og tilrettelagt barnehagetilbod.
«Kommunen skal sikre at barn med nedsett funksjonsevne får eit eigna individuelt tilrettelagt barnehagetilbod. Plikta til tilrettelegging omfattar ikkje tiltak som inneber ei urimeleg bør for kommunen. Ved vurderinga av om tilrettelegginga inneber ei urimeleg bør, skal det særleg leggjast vekt på tilrettelegginga sin effekt for å nedbygging av funksjonshemmande barrierar, naudsynte kostnadar ved tilrettelegginga og verksemda sine ressursar.
Kommunen fattar vedtak om tilrettelegging av barnehagetilbodet til barn med nedsett funksjonsevne»
Plikt til tilrettelegging
Tilrettelegging gjeld tiltak som er naudsynte for at barnet skal kunne gjera seg nytte av barnehagetilbodet. Plikta gjeld barn som bur i kommunen og som har barnehageplass.
Det er i utgangspunktet foreldre/føresette som i samarbeid med barnehagen melder behov om tilrettelegging av barnehagetilbodet.
Lovkrav
Følgjande lovkrav gjeld for vedtak knytt til tilrettelegging av barnehagetilbodet:
- § 23 i Forvaltningslova: Enkeltvedtak
- § 18 i Forvaltningslova: Føresette har rett til innsyn i dokumenta som omhandlar saka
- § 27 i Forvaltningslova: Føresette har klagerett på vedtaket. Fylkesmannen er klageinstans
Kommunalsjef for Oppvekst fattar vedtak om tilrettelegging av barnehagetilbodet.
Malar
Sist endra14.05.2020 08.56