Familie- og rettleiingssenter (FOR)
Familie- og rettleiingssenteret er ei teneste samansett av ulike fagpersoner med brei kunnskap og kompetanse om barn, unge og familiar. Vi er eit tverrfagleg tilbod som gjennom rettleiing, kurs og samtalar skal ivareta og fremme psykisk og fysisk trivsel og god helse hos barn, unge og familiar, samt bidra til å styrke barn og unge sine oppvekstsvilkår.
Gjennom kurs og temabasert rettleiing ønskjer vi å ruste og støtte profesjonelle som arbeider med barn og unge, og saman finne gode utviklingsstøttande tiltak.
Kva tilbyr vi?
Vi kan gje hjelp og rettleiing til forelder /foreldre /par dersom du/de:
- Har barn og strevar i foreldrerolla, eller ønskjer å samhandle betre med barnet
- Ønskjer kunnskap om korleis de som foreldre kan gi støtte og tryggleik til barnet.
- Er par/forelder/foreldre som treng hjelp til å komme ut av negative kommunikasjonsmønstre med kvarandre/med barnet/barna
- Ønskjer rettleiing i høve til ulike utfordringar i foreldrekvardagen
Kurs for foreldre
COS (Circle of Security)
- Målet er at barnet ditt skal få hjelp til å kjenne seg trygg og på den måten stå sterkere rustet til å møte utfordringer vi møter i livet. Kurset kan også bidra til et betre samspill mellom deg og barna dine
- Varighet: 5 gang à 2 timar
- Både dagtid og kveld
- Kursstad vil variere
- Foreldre med barn i alderen 0 – 12år
De Utrolige Årene (DUÅ) universal
- Til foreldre med barn i alderen 2 – 6 år
- 7 ganger à 2 timar
- Både dagtid og kveld
De Utrolige Årene (DUÅ) baby
- Til førstegangsfødande
- Dagtid. 8 gong à 2 timar
- I samarbeid helsestasjon
De Utrolig Årene (DUÅ) er eit universalt førebyggjande foreldreprogram. Målgruppa er barn i alderen 0-12 år. Overordna mål med foreldrekurset er å fremme barn si psykiske helse ved å styrke foreldrerolla gjennom å auke bevissthet rundt verdien av relasjonen og å forstå og komme i møte barnet sine signal på ein utviklingsstøttande måte. Her finn meir informasjon om DUÅ
Individuelle samtalar/rettleiing
Samtale om foreldrerolla.
Å vera forelder/foreldre er ein betydningsfull prosess i høve til det å gje omsorg for og skape god utvikling for barn. Det kan by på utfordringar, og ønskjer du rettleiing i høve til dette kan du ta kontakt med oss.
Parsamtalar
Det er vanleg at det oppstår små og store utfordringar i parforholdet. De kan få hjelp til å komme ut av negative mønstre gjennom samtaler ved Familie- og rettleiingssenteret. Par med barn vil bli prioritert.
Mekling ved samlivsbrot og meklingsavtaler må gjerast ved Familievernkontoret
Kurs og kompetanseheving
Rettleiing- styrking av tilsette kring barn, barnegrupper og familiar
- Temabasert rettleiing.
- Tverrfagleg drøfting kring utfordringar
- Konsultasjon/rådgjeving
Kven er vi?
- Helsesjukepleiar
- Spesialsjukepleiar i psykisk helsearbeid
- Pedagog
- Barnevernspedagog
- Familieterapeut
Søk om hjelp og rettleiing
Skjema for foreldre og føresette (PDF, 800 kB)
Skjema for tilsette (PDF, 156 kB)
Utfylt og signert skjema skal sendast til:
Øygarden kommune - Familie- og rettleiingssenter
Ternholmvegen 2, 5337 Rong
Pris
Tenesta er gratis.
Sist endra27.07.2020 09.07