Konsultasjonsteamet for vald og overgrepssaker

Kjenner du på ein uro? Har du ei dårleg magekjensle rundt kva eit barn eller ein ungdom du kjenner, kan vera utsett for? Saker om overgrep mot barn er kompliserte og fagleg krevjande. Det kan vera nyttig å søkja råd og rettleiing så
tidleg som råd, for å sikra at barnet får rett hjelp til rett tid.

Om du har mistanke om vald eller overgrep mot barn eller unge, er det teikn du kan sjå etter.

Barnet kan:

• ha endra oppførsel, t.d uro, konsentrasjonsvanskar, trist, redd, aggressiv
• vera inneslutta, fjern, vanskeleg å få kontakt med eller roa ned
• ha fysiske skader som ikkje stemmer med forklaringa som blir gitt
• fortelja deg ting som ikkje kjennes riktig

Kva er eit konsultasjonsteam?

Teamet er meint som eit forum der ein kan for å få hjelp drøfta saker som handlar om vald og overgrep. Det er eit tverretatleg team som skal gi råd og rettleiing i saker der det er mistanke om at eit barn kan vera utsett for:

• Vald
• Å vera vitne til vald
• Seksuelle overgrep
• Kjønnslemlesting
• Tvangsgifte
• SSA; Skadeleg Seksuell Atferd

Sakene kan drøftast anonymt. Teamet har taushetsplikt!

Kven er vi?

I teamet er det faste representantar frå:

• Barneverntenesta
• Helsestasjon
• Kommunepsykolog
• Familie- og rettleiarsenter (FOR)
• Rettleiarteam for skule
• PPT
• Sexolog

Kven kan kontakta oss?

Alle som er bekymra for at barn eller unge kan vera utsette for overgrep:

• Personar som gjennom si yrkesutøving eller frivillig arbeid får ei bekymring; t.d. lærar, barnehagepersonell, SFO-tilsett, trenar, leirleiar
• Privatpersonar som foreldre, besteforeldre, naboar eller andre, kan og kontakta teamet Teamet er meint som eit forum der ein kan for å få hjelp

Kva kan vi hjelpa med?

• Støtte til å konkretisera bekymringa
• Bidra med fagleg kunnskap rundt konsekvensar for barn som blir utsett for vald eller overgrep
• Gje råd og oppfølging for det vidare arbeidet for å sikra at barnet får rett hjelp til rett tid

Korleis ta opp ei sak, kven kan kontaktast?

Teamet har faste møter ein gong pr. månad. Ved behov kan teamet kallast inn, på kort varsel, for akutt møte.

Materiell

• Brosjyre for Konsultasjonsteamet - Barn og unge (PDF, 2 MB)

Er du utsett for vald og/eller overgrep? Eller uroa for andre?

Det er fleire stader du kan få hjelp om du er utsett for, eller lurer på om du er utsett for vald eller overgrep. 

Du trenger ikkje å være sikker på at det du har opplevd er ulovleg for å melde frå. Det er uansett viktig at du fortel nokon om det du har opplevd slik at du kan få hjelp.

I Øygarden kommune kan TryggEst teamet hjelpe deg.

TryggEst skal bidra til å forhindre, avdekke og handtere vald og overgrep mot vaksne som treng hjelp til å beskytte seg sjølv.

I Øygarden kommune kan du kontakte TryggEst teamet både om du er bekymra for ein person eller om du sjølv er utsett for vald eller overgrep.

TryggEst-teamet består av erfarne personar med kompetanse på det å handtere vald og overgrep.

Ta kontakt på tlf: 56 16 08 00, tlf tid måndag til fredag kl. 08.30-15.00.

Kva skjer når jeg kontakter TryggeEst?