Vallova stiller strenge krav til at det vert levert korrekt valresultat. Difor vert det og stilt krav til den som skal jobbe som valmedarbeidar.

Kven ser vi etter?

• Du må være fylt 18 år.
• Du kan ikkje vere listekandidat ved kommunestyre eller fylkestingvalet 2023
• Du må vere serviceinnstilt, nøyaktig og ha god kunnskap om bruk av elektronisk verktøy (PC og Smart telefon)
• Du må ha god helse og arbeidskapasitet, og kunne vere aktiv store deler av dagen
• Du må kunne rettleie veljarar og vere fleksibel ved jobbrotasjon
• Du må ha tatt i bruk MinID eller BankID, og være kjent med bruken av dette for pålogging til det valadministrative systemet
• Du må kunne delta på obligatorisk 3 timars opplæring i august
• Du treng ikkje vere busett i Øygarden kommune

Når skjer valet?

Valet går føre seg i 13 ulike vallokale måndag 11. september. Vallokala er opne for veljarane frå kl. 09.00 til kl. 21.00. Arbeidstida i vallokalet vert frå kl. 08.00 og til normalt om lag kl. 23.00.

Arbeidsdagen for valmedarbeidarane kan verta delt inn i to skift, men det er opp til leiar i stemmestyret å organisere arbeidet i vallokalet.

Arbeidsoppgåver

• Ta i mot og rettleie veljarar
• Kontrollere legitimasjon
• Søkje opp veljarane i elektronisk manntal og krysse av for avlevert stemmesetel
• Stemple stemmesetlane
• Sikre at veljarane legg setlane riktig i urnene
• Telje stemmesetlar når stemmegivinga er ferdig kl. 21.00
• Også andre oppgåver kan verta lagt til valmedarbeidarane på valdagen

Vallokale i Øygarden kommune

I søknadsskjemaet kan du krysse av for kva lokale du vil føretrekkje å arbeide i eller om du er fleksibel og kan arbeide i kva som helst av dei 13 lokala. I nokon av vallokala har vi allereie godt med folk, medan vi på andre manglar ein del.

Du vil og få spørsmål om du har høve til å arbeide heile valdagen (frå kl. 08.00 - ca. 23.00) eller om du ønskjer å arbeide halv dag.

Søknadsskjema

Søk om å bli valmedarbeidar i Øygarden

Søknadsfrist er snarast og innan 1. juni.

Organisering og betaling

Kvar krins/vallokale har eit røystestyre på tre personar; leiar, nestleiar og medlem. Desse har det formelle ansvaret og administrerer røystegjevinga i vallokalet. Dei andre i vallokalet er valmedarbeidarar.

Alle som deltek vert godtgjort for arbeidet på valdagen og for den obligatoriske opplæringa.

Satsane er

• Medlemer i røystestyra og andre valmedarbeidarar: kr. 225,- pr time
• Leiar i røystestyret får eit funksjonstillegg på: kr. 750 pr dag
• For å delta på 3-4 timars obligatorisk opplæring: kr. 500
• For å delta i klargjering av vallokale før valdagen: kr. 500.

Satsane er med forbehold om godkjenning i valstyret.

Obligatorisk opplæring

Alle må møte på opplæring i regelverk, rutiner og datasystem. Det vert sett fleire opplæringsdatoar på ettermiddag i slutten av august.