Vallova stiller strenge krav til at det vert levert korrekt valresultat. Difor vert det óg stilt krav til den som skal jobba som valmedarbeidar.
Kven ser vi etter?
- Du må vera fylt 18 år
- Du må beherska norsk godt, både munnleg og skriftleg
- Du kan ikkje vera listekandidat ved stortingsvalet 2025
- Du må vera serviceinnstilt, nøyaktig og ha god kunnskap om bruk av elektronisk verktøy (PC og smart-telefon)
- Du må ha god helse og arbeidskapasitet, og kunne vera aktiv store deler av dagen
- Du må kunna rettleia veljarar og vera fleksibel ved jobbrotasjon
- Du må logga deg på det valadministrative systemet med minID
- Du må kunna delta på obligatorisk 3 timars opplæring i august
- Du treng ikkje vera busett i Øygarden kommune
Når skjer valet?
Valet går føre seg i 12 ulike vallokale måndag 8. september. Vallokala er opne for veljarane frå kl. 09.00 til kl. 21.00. På valdagen jobbar mange frå kl. 08.00 og til om lag 23.00, medan andre jobbar delar av dagen. Det kan difor henda du ikkje får jobba heile valdagen, sjølv om du ønskjer det.
Det er opp til leiar i vallokalet å organisera arbeidet i vallokalet.
Arbeidsoppgåver
- Ta imot og rettleia veljarar
- Kontrollera legitimasjon
- Søkja opp veljarane i elektronisk manntal og kryssa av for avlevert stemmesetel
- Stempla stemmesetlane
- Sikra at veljarane legg setlane riktig i urnene
- Telja stemmesetlar når stemmegivinga er ferdig kl. 21.00
- Også andre oppgåver kan verta lagt til valmedarbeidarane på valdagen
Vallokale i Øygarden kommune
I søknadsskjemaet kan du kryssa av for kva lokale du vil føretrekkja å arbeida i eller om du er fleksibel og kan arbeida i kva som helst av dei 13 lokala.
Du vil óg få spørsmål om du har høve til å arbeida heile valdagen (frå kl. 08.00 - ca. 23.00) eller om du ønskjer å arbeida halv dag.
Søknadsskjema
Søk om å bli valmedarbeidar i Øygarden
Søknadsfrist er snarast og innan 28. april.
Organisering og betaling
Leiar og nestleiar har det formelle ansvaret og administrerer røystegjevinga i vallokalet. Dei andre i vallokalet er valmedarbeidarar.
Satsane
- Valmedarbeidarar - lønn pr time - same sats for heile dagen - kr. 250
- Funksjonstillegg - leiar i vallokalet - kr. 1.500
- Funksjonstillegg - nestleiar i vallokalet - kr. 1.000
- Lønn - Deltaking obligatorisk opplæring - fast sats pr oppmøte - kr. 600
- Lønn - Deltaking oppsett av vallokalet - fast sats pr oppmøte - kr. 600
Satsane er vedteke av valstyret.
Obligatorisk opplæring
Alle må møta på opplæring i regelverk, rutinar og datasystem på ein av desse datoane:
Tysdag 19. august eller onsdag 27.08.25, kl. 17.00 - 20.00