Bli med på Sommarles 2021!

Frå 1. juni kan du melda deg på Sommarles, og bli med på den kulaste lesekampanjen denne sommaren. Mange har nok vore med på Sommarles før, og veit korleis det går føre seg, men for andre er det kanskje første gongen?

I år tar sommarlesforteljinga deg med til regnskogen. - Klikk for stort bileteI år tar sommarlesforteljinga deg med til regnskogen.

Slik blir du med

Du lagar ein profil på www.sommarles.no (eller www.sommerles.no viss du heller vil ha bokmål).
Har du vore med før, kan du kanskje bruke den profilen du laga i fjor, eller i forfjor? På sommarles.no registrerer du bøker du har lese og får lesetips frå andre. Der kan du òg lese den spanande sommarles-historia, og vere med på konkurransar. 

For å få tilgang til sommarlesforteljinga om Astrid og Asbjørn, må du har eit kodeord – nytt kapitel og nytt kodeord kvar måndag. Kodeordet får du på biblioteket. Du finn det òg på heimesida, facebooksida og instragramsida til Øygardsbiblioteka. 
Du får poeng for bøker du har lese, og du kan tene fleire poeng (XP) på aktivitetane på sommarles-sida, og gå opp i level.

Premiar på biblioteket

Når du kjem til level 10, kan du hente den første premien din på biblioteket, enten på Straume, Rong eller Skogsvåg. I juli er biblioteka på Rong og Skogsvåg stengt. Då må du på biblioteket på Straume, eller du kan vente til biblioteket ditt opnar att i august.

-Lese? seier du. -Eg likar best å høyre på lydbøker. 
Slapp av. Du kan registrere lydbøker også, eller teikneseriar, eller nokon kan lese høgt for deg. All lesing tel i denne konkurransen. 
Her finn du meir informasjon om Sommarles

Informasjon til foreldre/føresette

Sommarles er ein nettbasert lesekampanje som skal motivere barn til å lese. Barn frå 1.-7. klasse kan vere med, også dei som skal byrje på skulen denne hausten. 

Du finn boktips og kan låne bøker på biblioteket, eller bruk bibliotekappen Bookbites. Der er det også mange bøker for born.