Energimessa gir deg ein heil dag med kunnskap, utforsking og refleksjon. Ikkje gå glipp av det! Det vil vera mest aktivitet ved opninga og utdelinga, men vi oppmodar til å sjå arbeidet til elevane i løpet av heile dagen. I år er det 17 utstillarar med blant anna:

Framtidas energi og teknologi: Lær om det lokale CO2-mysteriet, sjå modellar av havvind utanfor Øygarden, og opplev alt frå radiostyrte bilar til elevarbeid innan koding og 3D-printing.

Sotrasambandet tett på: Utforsk det nye sambandet gjennom podkast og brettspel. Her får du sjå korleis prosjektet påverkar både menneske og natur.

Grøn kvardag og gjenbruk: Få praktiske tips om redesign av klede, kortreist mat og korleis vi kan fjerne plast frå havet. Møt også vår eigen «Boss-bot» som gjer søppel om til ressursar!

Handverk og hjartevarme: Opplev tradisjonelt kystliv med vedlikehald av trebåtar, og lær kvifor god helse og det å bry seg om kvarandre er ein føresetnad for ei berekraftig framtid.

Kom og bli inspirert av kreative løysingar, smarte elev-idear og ekte skaparglede!

Arrangementet er eit samarbeid mellom Vest Næringsråd, Sartor Storsenter, Sotra vgs og Øygarden kommune.