Dei 10 gjestene frå Nepal kjem frå Nepal Open University og Early childhood education Center. Dei er ein del av eit samarbeid med NLA Høgskolen og Universitetet i Agder om å etablera en ny forskingsbasert barneskulelærarutdanning i Nepal.

Prosjektet vert støtta av NORAD, via programmet NORHED (program for kapasitetsutvikling innan høgare utdanning og forsking).

Førstelektor i pedagogikk på NLA Høgskolen, Per Ivar Kjærgård, seier at målet med besøket på dei norske skulane er å henta inspirasjon, kunnskap og idear om norsk skuledrift som dei besøkande kan ta med seg tilbake til dei øvingsskulane som skal etablerast i Nepal.

- Vi møtte to gode skular i Øygarden. Besøket på avdelinga som driv musikkterapi på Hjelteryggen skule var ei særleg god oppleving for lærarutdannarane frå Nepal. Eg vart imponert over korleis musikkterapi vart brukt i møte med elevar med særskilte behov. Det er fantastisk å vera med å sjå korleis musikk kan vera så viktig i slike pedagogiske møte, seier Kjærgård.

Frå besøket på Danielsen barne- og ungdomsskule 
I tillegg til besøk i ulike klasserom og avdelingar, hadde prosjektleiinga i NORHED-prosjektet møte med skuleleiarane på Danielsen for å diskutera det å  vera øvingsskule for lærarstudentar.

Foto: NLA Høgskolen