Bakgrunn for dette er at det er venta fleire smittetoppar i løpet av året, og dei fleste i denne aldersgruppa tok 4. dose i fjor sommar eller tidleg haust. Vernet frå sist vaksine har difor byrja å avta. 

Dei som har gjennomgått koronasjukdom i tillegg til å vera vaksinerte, har betre vern mot koronasjukdom enn dei som berre har vern frå vaksinar. Behovet for ny dose no er difor lågare for denne gruppa.

Sannsynleg med endå ei oppfriskingsdose til hausten

Folkehelseinstituttet ser det som sannsynleg at aldersgruppa 65 år og eldre, pluss dei i aldersgruppa 18 til 64 år med underliggjande risikotilstandar, vil ha behov for ein ny oppfriskingsdose til hausten, før vintersesongen 2023-24. Dei tilrår difor personar over 75 år å ta 5. dose i løpet av mars/april, for å sikra langt nok tidsintervall før ein eventuell 6. dose til hausten. 

Yngre pasientar med alvorleg svekt immunforsvar kan òg få tilbod om ein oppfriskingsdose no i vår, etter vurdering frå spesialist.