Dei bussreisande smilte breitt måndag morgon då ordføraren og medhjelparane hans delte ut bollar og kaffi på bussterminalen på Straume.
- Det er god komfort på bussen, og stort sett får eg sitjeplass, seier Emma Straume som tek bussen tur-retur Bergen sentrum fem dagar i veka.
Emma Straume tek buss til og frå Bergen fem dagar i veka og tykte det var flott å få ei bolle som "takk for at ho tek bussen".
På terminalen er det mange på vandring tidleg om morgonen. Nokre kjem gåande frå området og skal ta buss, andre skal skifta buss og andre kjem med bil til senteret og tek buss vidare.
- Eg køyrer frå Oen, avleverer ungdomen vår på Danielsen og tek eg bussen vidare til sentrum, seier Øyvind Johnsen.
Denne dagen, den 19. september, markerer Øygarden saman med andre kommunar og Miljøløftet den europeiske mobilitetsveka med ei rekkje arrangement. Det er sykkeshow med Moow på Ågotnes idrettspark klokka 11.00 – 13.00 og på Spildepollen sykkelpark klokka 16.00 – 18.00. Du får også gratis enkel sjekk av sykkelen din. Ordførar Tom Georg Indrevik er på plass begge stader.
«Betre forbindelsar»
Mobilitetsveka er den største kampanjen i Europas for miljøvenleg transport. Temaet i år er «Betre forbindelsar». Målet er å visa korleis vi kan reisa smartare og meir miljøvennleg. Mobilitetsveka er eit samarbeid mellom Miljøløftet og kommunar i bergensområdet.
Emma Straume var glad for å få ei bolle tidleg måndag morgon.
- Eg går på Danielsen vidaregåande skule i sentrum tek bussen til og frå Bergen fem dagar i veka. Det er god komfort på bussen. Det er litt kø fram mot Sotrabrua om morgonen og mellom Lyngbø og Drotningsvik om ettermiddagen, seier Emma.
Ordførar Tom Georg Indrevik seier at Miljøløftet gjev gode gevinstar.
- Vi får lågare bompengar, lågare bussprisar og mindre kø. Responsen på denne aksjonen i dag med utdeling av bollar og kaffi har vore kjempepositiv, seier han.
Les meir om mobilitetsveka og program her.
Her er fleire bilete:
Tekst og foto: Vigleik Brekke