Kontrakten inkluderer prosjektering, produksjon og installering av eit nytt 15 kilometer langt jordkabelanlegg mellom Solsvika og Blomøyna. Kontrakten har ein verdi på om lag 250 millionar kroner.

- Vi er glade for at vi har fått på plass kontrakten med Iljin Electric. Øygardskabelen 2 er ein av dei første viktige brikkene som må på plass for å leggja til rette for bedrifter som ventar på tilknyting til strømnettet langs kysten i regionen, seier konserndirektør for Nett i Statnett, Elisabeth Vike Vardheim.

Det er LOS Cable Solutions med hovudkontor i Bømlo som skal utføra installasjonsarbeidet, som underleverandør til det sør-koreanske selskapet Iljin Electric. Statnett planlegg å leggja kontrakt for bygg- og anleggsarbeider for prosjektet ut på anbod våren 2023.

Les meir på nettsida til Statnett.