Fylkeskommunale tilskot til verna kulturminne – søknadsfrist 20. januar

Eigarar av verna kulturminne kan søka om tilskot frå Vestland fylke til istandsetting eller rehabilitering: «Tilskotsordninga tek sikte på å gje tilskot til istandsetting av verneverdige kulturminne prioritert av kommunane, regulert til bevaring/omsynssone, vern eller vurdert av fylkeskommunen til å ha høg regional verdi.»

Sælstøa på Blomøyna er mellom områda som er verna gjennom omsynssone for kulturmiljø i kommuneplanen. Flyfoto frå 1960-talet. Foto: Widerøe’s Flyveselskap/Kystmuseet i Øygarden. - Klikk for stort bileteSælstøa på Blomøyna er mellom områda som er verna gjennom omsynssone for kulturmiljø i kommuneplanen. Flyfoto frå 1960-talet. Foto: Widerøe’s Flyveselskap/Kystmuseet i Øygarden.

Kulturminna bør anten vera nemnt i kulturminneplan eller omfatta av omsynssone for kulturmiljø i reguleringsplan/kommuneplan.

For spørsmål om eit kulturminne er kvalifisert til ordninga, ta kontakt med Halvor Skurtveit i kultureininga i kommunen, e-post halvor.skurtveit@oygarden.kommune.no

Merk at søknader må sendast til Øygarden kommune, e-post postmottak@oygarden.kommune.no , innan 20. januar. Kommunen vidaresender søknadene i prioritert rekkefølge til fylkeskommunen innan 1. februar.

Det blir gitt tilskot til maksimalt halvdelen av kostnaden. For krav til søknad og informasjon om ordninga, sjå nettstaden til fylkeskommunen: Tilskot til verna kulturminne - Vestland fylkeskommune.

Publisert 03.01.2025 13.05