Om arrangementet

Har du tenkt på korleis kommunen tek vare på dokumenta sine og kva for interessant informasjon  du kan finne i nye og gamle arkiv?

I desse dagar vert fleire og fleire av arkiva digitaliserte og gjort tilgjengelege til bruk for deg og meg.

Vi dukkar ned i dei historiske arkiva og viser korleis du sjølv kan sitje heime i di eiga stove og finne inne fram i den digitale arkiv-arven til dei tidlegare kommunane Fjell, Sund og Øygarden, men og søkje utover det lokale og inn i Interkommunalt arkiv Hordaland og Statsarkivet.

På alle tre arrangement viser arkivarar og historikarar lokale godbitar frå utviklinga innan samferdsel, skule, fattigvesen og næringsliv. Kommunen har også ei spanande krigshistorie som det kan vere interessant å finne meir informasjon om.

Det vert  lokal vinkling på kvar stad. Etter foredraga vert det tid til samtale og spørsmål.

Målgruppe

For vaksne.

Pris

Gratis.

Andre datoar

• Rong bibliotek, 12. mai, kl. 18.00 - 20.00
• Skogsvåg bibliotek, 19. mai, kl. 18.00 - 20.00